大飯糖甜品小食屋 (已搬遷) 新店位置

元朗嘅甜品有好多選擇，最出名嘅肯定係B仔，而佢嘅對手泛后甜品因為老細後繼無人，所以光榮結業，不過除咗呢兩間之外，區內仲有唔少甜品舖，今次揸車去遠少少去到洪水橋食大飯糖。今次嗌左咖喱魷魚拼盤，一份腸粉同埋一份燒賣，熱嘅薑汁小丸子，同埋芒果小丸子。可惜佢個薑汁小丸子，得個甜味，完全唔夠薑味，如果落重啲薑嘅話冬天食驅下寒一定超正！咖喱魷魚拼盤差唔多每次去親都會帶，佢嘅魷魚同埋蘿蔔好好食㗎！之前仲試過佢嘅榴槤雪山同埋朱古力三兄弟，都係值得一試！