野川拉麵の深燒食堂

营业中

休息中

人越大，同朋友越来越少见，每逢深宵嘅时分，就会谂返起以前同学及同事之间食宵夜嘅日子。今日深宵时分，经过元朗呢一个香港人都好熟悉嘅地方，食宵夜嘅选择有好多，我相信住喺元朗嘅人都好清楚，而今晚我见到一间位于又新街嘅餐厅叫做《野川拉面•深宵食堂》，不禁令我谂返起曾经有套日剧叫做深夜食堂，故事大纲大概系喺日本有一个老板开咗间餐厅，每逢深夜时分都有唔同身份嘅客人嚟食嘢，而藉此去分享佢哋生活里面唔同嘅故事，曾几何时，我都有幻想过去经营一啲咁嘅餐厅，但始终都要回归现实。一入到嚟，见到个Menu就好似居酒屋一样包罗万有：有拉面、寿司、串烧，当然唔少得嘅就系日本啤酒🍻！！首先嚟到嘅系蟹籽沙律，份量十分惊人，味道不过不失，但性价比高！之后我哋仲叫咗一个刺身拼盘加三客寿司，同埋一个牛肉寿喜烧。刺身嘅质素非常新鲜，而牛肉寿喜烧嘅份量亦都吓我一跳！讲到明食宵夜就梗系唔少得串烧🍡🍢同埋啤酒，所以之后我分别嗌咗厚切牛舌、烧韭菜、烧大葱，同埋一串五花腩。五花腩嘅肉质非常甘香，肥瘦分明😛😛牛舌厚薄适中咬落去好弹牙，亦都有香浓嘅牛味，烧得非常之好！🥰🥰韭菜同大葱就正常发挥。今晚嘅重点，就系呢杯三得利嘅小麦黑啤！！仲要只系