天龍咖喱

营业中

休息中

天龙咖喱❣️位于元朗的小店绝对要来支持下，呢度主打巴基斯坦咖哩，用左多种香料制成。同其他食开的咖哩好唔同。咖哩味较重，又冇平时椰奶果种味道，真系别有一番风味。除了咖喱，呢度仲有其他港式风味，特别推介炸物小吃！🌟咖喱吉列猪扒饭金黄色的吉列猪扒好厚切，炸粉薄，外层酥脆，松化。火候控制得啱啱好，保留汁和猪肉的原始甘香。入口的外脆内软，好Juicy。咖哩香味十足，用了洋葱粒和多种香料烹饪而成。真材实料的咖哩，而辣度可以加重。🌟咖喱厚切牛脷饭除咗好厚切之余，牛脷基本上都炆到好淋。入口劲松软，而且牛味好重。同咖哩都好夹。🌟特级花枝丸由墨鱼、鱼浆制作而成的花枝丸。炸到金黄色，入口超弹牙又爽口，外脆内软。🌟天龙鸡皮卷以鸡皮裹著免治肌肉炸，非常独特。皮脆肉嫩，好爆汁。配上酸酸甜甜酱。令人停唔到口。🌟话梅可乐中和了可乐甜味。带有咸香和轻微酸味。一边食住辣嘢一边饮，都几refreshing。