成都冒菜

营业中

休息中

今日又入到黎元朗国，突然之间想食酸辣粉，记得有个朋友仔话呢间野可以试吓！咁就过嚟试吓啦！间野位置比较隐蔽啲嘅！但都唔算难揾！入到去环境都几企理嘅！侍应对答大致OK！去到野食，上到枱，真系吓亲我，点解可以咁大碗，而且价钱又唔系贵㖞！真系可以食到饱到行唔郁，辣到亦都系比较惊人，相信厨师极有可能系四川人，已经叫BB辣，辣度对于我地来讲可能系中辣！叫咗五样𩠌，啲𩠌虽然好普通，但系都好入味！个薯粉都好够林，真系有四川嘅风味！直头系好过一般连锁嘅粉面店！当我俾钱嘅时候，见到佢喺大陆有攞过奖，唔怪之得个口味咁贴近当地！整体来讲真系好食，只系自己食唔到个辣度！