至友美點

营业中

休息中

流沙奶皇包搣开个包有流沙效果，有粒粒蛋黄碎喺入边，奶黄馅香滑，包身松软。叉烧肠粉肠粉即叫即蒸，粉浆透薄够滑，口感软滑。入面叉烧份量正常，口感唔会好干身。虾饺饺皮晶莹剔透，厚薄适中，唔会太厚皮，口感烟靭。里面嘅虾肉份量好饱满，食落有口感。如果虾肉再多少少会更好。鹌鹑蛋烧卖猪肉同虾肉份量比例刚好，口感丰富满足。腐皮虾卷order完就会即刻喺门面度煎，腐皮煎到金黄香脆，入面有少少虾肉。略嫌腐皮虾卷太薄身，欠缺咗啲口感。