夜貓。燒

营业中

休息中

为何深宵总是饿？夜晚晚肚饿吾使惊了，有「夜猫·烧」。话说今日收工晏咗，仲要去元朗买野，然后比我发现呢间新开嘅「夜猫·烧」。一间新开不久嘅串烧店，咁啱我肚仔饿又仲未食饭，咁就一于入去试试新野。餐厅门口有一张三人单边枱，方便喜欢坐室外或等外卖顾客。店入面是白色四人枱，店子虽不大，但座位尚算舒适。《大啡菇》我要特别推介，超级有惊喜，大啡菇内放有烟肉，面层再铺上芝士，入口充满啡菇加烟肉汁，非常好味！留意呢个制作最需时，最好预早order 而且要耐心等候。《脆蓉茄子》茄子肥大肉厚，调味够香口，加入炸蒜特别惹味。再点咗《秋葵》、《鸡脾菇》、《香脆豆卜》呢个烧到个表面特别香脆，居然又几好味。《牛舌串》ok 、《羊架》都大块、尤其《五花腩肉串》最香口，本人最喜欢。《白鳝》真系烧到皮脆香口。果然有名你叫「夜猫」，小店越夜越热闹，餐厅营业至零晨，提供串烧、麻辣烫及无酒精饮品。如果夜晚想几个老友吹下水食宵夜；或者夜晚肚仔饿吾使怕啦，依家又多一个好选择了。