影片
更多
2020-07-14
507 浏览
限聚令听日开始六点之后冇得堂食，换言之即系冇得出街食饭啦夜晚，趁着最后一晚食返我最爱嘅日本野先！讲开日本嘢，元朗除咗出名多嘢食之余，都特别多日本餐厅选择，今次系朋友嘅介绍下就嚟咗呢度！呢间铺原来有两层，地下主要系厨房，冇枱，楼上嘅位置夹埋应该得30个左右，容纳嘅人数非常少，我哋6:30左右就到啦，楼上几乎都坐满晒人，估唔到今早都咁多人嚟食饭，唔怪得啲食评话要等成个钟啦！呢度用手机QR code落单，非常方便，节省人手我哋叫咗生蚝🦪$48.1只 都几贵😂😂但系好食！啲蚝🦪好滑好creamy好新鲜呀！海胆寿司就正常不过了，好少铺头海胆系好食嘅，呢间算可以，有两片青瓜喺上面成个口感好Fresh叫咗两个手卷，分别系海胆手卷同埋香葱吞拿鱼，呢两个手卷嘅紫菜都好脆，海胆手卷好足料，食到落个底都仲有，加埋啲Wasabi豉油真系一流朋友话香葱吞拿鱼都好食😋呢盆寿司最爱系呢个鹅肝！真系好好味呀！上面有浸糖，而且烧过，入口即溶，超级满足！另外炙烧三文鱼腩同埋左口鱼裙边都好食，如果唔钟意太油嘅朋友可能未必钟意😂 钟意瘦啲嘅可以拣炙烧三文鱼后面𠮶三只系赤海虾🦞，新鲜好食😋够冻，因为我本身都好钟意食大虾🍤所以无
呢间铺原来有两层，地下主要系厨房，冇枱，楼上嘅位置夹埋应该得30个左右，容纳嘅人数非常少，我哋6:30左右就到啦，楼上几乎都坐满晒人，估唔到今早都咁多人嚟食饭，唔怪得啲食评话要等成个钟啦！
呢度用手机QR code落单，非常方便，节省人手
我哋叫咗生蚝🦪
$48.1只 都几贵😂😂
但系好食！啲蚝🦪好滑好creamy好新鲜呀！
海胆寿司就正常不过了，好少铺头海胆系好食嘅，呢间算可以，有两片青瓜喺上面成个口感好Fresh
叫咗两个手卷，分别系海胆手卷同埋香葱吞拿鱼，呢两个手卷嘅紫菜都好脆，海胆手卷好足料，食到落个底都仲有，加埋啲Wasabi豉油真系一流朋友话香葱吞拿鱼都好食😋
呢盆寿司最爱系呢个鹅肝！真系好好味呀！上面有浸糖，而且烧过，入口即溶，超级满足！另外炙烧三文鱼腩同埋左口鱼裙边都好食，如果唔钟意太油嘅朋友可能未必钟意😂 钟意瘦啲嘅可以拣炙烧三文鱼
后面𠮶三只系赤海虾🦞，新鲜好食😋够冻，因为我本身都好钟意食大虾🍤所以无挑剔嘅地方
呢个芒果海鲜卷上面啲芒果唔会话好酸配埋沙律酱同蟹子层次口感丰富，赞赞赞
另外𠮶个香葱吞拿鱼卷其实系点多咗😂 本身谂住点手卷就唔要呢个点知唔记得tick走😂😂
其实仲有嗌多咗一串牛舌嘅 不过唔记得影相
佢嘅牛舌系厚身𠮶只，所以咬落好有口感因为本人唔钟意太薄嘅牛舌
总括而言：下次可以再嚟，不过如果想坐得舒服嘅话呢度就一般般啦，因为佢个楼顶都好矮，坐得有少少压迫咁，同埋如果太多人排队嘅我都唔想等一个钟
两个人买埋单479，对得住食物质素
张贴
