合興車仔麵

营业中

休息中

元朗系美食集中营😂我都几钟意食车仔面。试过永年，食神，许祥昌，同深水埗既文记。我觉得合兴系最好食，综合起嚟整碗面系我最喜爱最传统𠮶种车仔面味道。暂时嚟讲佢系我心目中既世一😁喺合兴我通常必食既系猪肠同鸡翼。第3个𩠌就睇当日心情去叫😂👉猪肠，腌得好入味，肠入面洗得干净亦唔多脂肪兼爽口，兼索左汤既腩汁和辣汁。虽然永年既猪肠都唔差既，但性价比就冇咁高啰。好味指数 ⭐️⭐️⭐️⭐️⭐️👉鸡翼，食到腌得好浓既卤水汁味兼大大只。食唔到有雪味。👍好味指数 ⭐️⭐️⭐️⭐️今次仲叫咗贡丸。以前我都食过萝卜，腌得好入味。仲有佢最正梗系个辣得好过瘾既辣汁同埋个腩汁汤底。食得辣既我平时要少辣已经觉得好够辣。我认为食太辣会掩盖咗其它𩠌既本身味道。 车仔面我较喜欢食油面或粗面。因为佢哋好索汤汁。希望揾日下次早上去食，可以试到大热好快卖唒既牛坑腩牛孖筋牛栢叶鹅肠啦😍一到中午多数都冇唒架喇。为食既您下次请早😂有时唔想太费神谂食咩，但又想食得到经济既好西既话，去合兴食个车仔面都系个唔错既选择嚟。