大盛屋日本料理 (已結業)

今日同友人系元朗行完街，又到揾野食时间。听讲佢屋企附近有间食日本野既铺头，d野食整得唔错。可能未到繁忙时间，所以都唔使点等位。我地坐低就叫左个特选寿司定食。叫呢个既好处就系大家都可以食到不同款式既寿司，今次就有我爱既三文鱼，虾同带子寿司。佢地d鱼生除左新鲜之外，d虾 size亦都几大只。炸软壳蟹炸得好脆，咬落去唔系话炸得太干而且又唔太油腻。盐烧鸡中翼: 鸡翼腌得够入味。咬落去有d黑椒味，加埋少少柠檬汁，清新得嚟又惹味。大盛屋拉面:汤底好香又唔会话太过咸。拉面唔会煮得太“淋”， 而且又有叉烧、蚬……等材料，睇落相当丰富同吸引，下次都可以试埋其他款式。