影片
更多
2022-07-08
93 浏览
母亲节冇同佢食饭咁啱佢又放假就特登揾咗呢间近近哋嘅日本居酒屋同佢食返餐饭见到个门口有啲似平时omakase 嘅风格，入到去有啲似去咗日本，我真系好挂住日本，坐嘅卡位仲有坐垫，而店员真系着住拖鞋，好有去咗日本嘅感觉呀🥹除咗卡位之外，仲有吧枱同埋房仔，成个感觉好正宗，坐得舒服食得更舒服😌渍物拼 $38 有红酒汁桥头同牛蒡，估唔到呢啲渍物都有得就咁叫，仲摆晒盘咁，好有心机甘醋蕃茄渍$58超级赞呢个，酸酸地，但食落番茄唔会生。好开胃，令我食完一片又一片，份量都唔少㗎汁煮𩽾鱼肝$148妈妈表示呢个超好食，佢个女本身都好钟意食，我觉得呢个好惊喜嘅位系佢真系好有肝既感觉，可能系真系季节，好出色赤崎大船渡真牡蛎 🦪 $158@1嚟到嘅时候真系哗咗声，第一次见咁大只嘅生蚝，佢真系好厚肉又大只，而且口感好滑，味道唔算好重海水味，除咗柠檬汁仲有个秘制嘅酸汁，我自己就钟意就咁加柠檬汁食，咁样先可以食到本身生蚝嘅鲜味，爱生蚝人士必叫💯居酒屋刺身要试大拖罗（3切），虽然唔算好厚切，但系喺香港嚟讲佢嘅拖罗比起平时食好贵嘅厨师发板更加出色，佢做到有溶既感觉呀系，就咁睇都见到佢既油脂好正🤭金目鲷（2切）食落去都新鲜都算
母亲节冇同佢食饭咁啱佢又放假就特登揾咗呢间近近哋嘅日本居酒屋同佢食返餐饭
见到个门口有啲似平时omakase 嘅风格，入到去有啲似去咗日本，我真系好挂住日本，坐嘅卡位仲有坐垫，而店员真系着住拖鞋，好有去咗日本嘅感觉呀🥹
除咗卡位之外，仲有吧枱同埋房仔，成
个感觉好正宗，坐得舒服食得更舒服😌渍物拼 $38
有红酒汁桥头同牛蒡，估唔到呢啲渍物都有得就咁叫，仲摆晒盘咁，好有心机
甘醋蕃茄渍$58
超级赞呢个，酸酸地，但食落番茄唔会生。好开胃，令我食完一片又一片，份量都唔少㗎
汁煮𩽾鱼肝$148
妈妈表示呢个超好食，佢个女本身都好钟意食，我觉得呢个好惊喜嘅位系佢真系好有肝既感觉，可能系真系季节，好出色
赤崎大船渡真牡蛎 🦪 $158@1
嚟到嘅时候真系哗咗声，第一次见咁大只嘅生蚝，佢真系好厚肉又大只，而且口感好滑，味道唔算好重海水味，除咗柠檬汁仲有个秘制嘅酸汁，我自己就钟意就咁加柠檬汁食，咁样先可以食到本身生蚝嘅鲜味，爱生蚝人士必叫💯
居酒屋刺身要试
大拖罗（3切），虽然唔算好厚切，但系喺香港嚟讲佢嘅拖罗比起平时食好贵嘅厨师发板更加出色，佢做到有溶既感觉呀系，就咁睇都见到佢既油脂好正🤭
金目鲷（2切）食落去都新鲜都算厚切
牡丹虾（2本）超级超级大只，食落去唔痴，即系好新鲜
白虾 一杯 （人手搣）有柚子味，一杯里面有好多只细嘅白虾，咁师傅咪搣得好辛苦，辛苦晒，好好食😋
天涧特盛寿司16贯
见到目定口呆，估唔到佢啲寿司好高质，黎到已经吸引住我眼球，因为我见到好精致仲见到有我最钟意嘅拖罗
当天嘅寿司分别有鰯鱼矶边卷，赤鯥鱼，带子海胆，网池寿司，小肌鱼寿司，北海恋，拖罗3重奏
寿司款式真系有惊喜，有啲喺出边寿司舖未必食到，寿司应该会因应季节而师傅会转唔同嘅寿司，就好似食紧厨师发板咁
鰯鱼矶边卷：其实佢就系沙甸鱼，而入面加左酸汁，平时喺厨师法班都有机会会见到，但我真系第一次食，沙甸鱼平时食开熟嘅，生嘅就会带一点鱼既鲜味，不过第一次食嘅我表示好新奇
赤鯥鱼：本身赤鯥又称为四大日本名鱼，因为产量本身少，味道鲜美，肉质富含油脂，佢再烧左令到更加油脂丰富，好好食😋
带子海胆：大大粒嘅带子加上去本身嘅汁酱再配埋海胆，成件事好完美
海胆嘅味道绝对系日本靓海胆，所以食落好鲜甜
网池寿司：网池又称池鱼王，池鱼既皇中之王，就好似网红一样，有新鲜要必食嘅鱼，肉质纤细，油脂鲜美而不腻
小肌鱼：好耐都冇见过呢只鱼，平时喺香港好少有得食，因为佢细骨比较多，处理比较麻烦, 但味道比起其他鱼更加鲜
北海恋：有啲似花之恋嘅卖相，而食材系高级质素
分别用咗赤身同𫚕鱼包住旧饭，中间就有拖罗蓉，海胆同埋黑鱼子
一啖摆落口，全部食材加埋一齐同拖罗一样咁正
拖罗3重奏：寿司嘅最后，都系我最爱嘅重头戏，拖罗3重奏呀系🥰🥰
分别有大拖罗，赤身同埋拖罗蓉，又系建议成旧摆落口，omg溶咗喺我口里面
每件寿司都会有少量嘅葱/姜/萝卜蓉，即使呢啲得好少，都系超够味，真材实料
串烧
酱烧黑鳗，盐烧白鳗，鸡皮虾
由于鳗鱼用咗两种唔同嘅整法，所以系两种口感，我自己就比较钟意食燃烧嘅白鳗，比较清一点，但系我又好钟意食黑鳗既酱烧汁
虾出面卷着鸡皮，冇谂过鸡皮可以包住既虾
虾头炸过可以食，我真系第一次连个黑头都食埋，虾头有好多膏，脆到食落去嘅时候有声
江户前玉子烧
一直都好钟意食江户前玉子烧，佢有个外观做到蛋糕咁💯
食开既人都知道主要用咗虾同埋鱼，佢呢个口感真系好似蛋糕，味道就有别于平时出面食嘅
整体嚟讲无论食物定话颈都系超级满分💯
差啲唔记得一定要去厕所，个厕所好有日本风，又好舒服
厕所仲用咗电动嘅，真系好似去咗日本咁，下次想试埋其他嘢食
我仲见到佢有个酒柜，下次约埋朋友一齐嚟试其他嘢之余仲想开支酒饮🤭🤭
张贴
