公車泰國餐廳

营业中

休息中

去元朗揾嘢食，教育路跟西菁街一带好多食市， 特别系泰国菜，见到有间光鲜又有大间泰国菜馆就入去试下。店内环境好宽敞，感觉好干净卫生。泰式生虾共有六只超大只，冇虾肠好 干净，好新鲜，好弹牙，值得推介。泰式炒金边粉好够镬气，一上枱热辣辣香喷喷， 主要有肉丝、 豆干 、 蛋丝、虾米、花生碎做配料， 炒得好香口，惹味。跟餐椰青半价， 清甜可口。菠萝鸡丝炒饭除咗菠萝同鸡，仲有提子、腊肉同肉松，好有泰式风味。串烧泰式香茅鸡翼加猪串烧得好惹味， 沙爹酱调得好入味， 层次丰富。椰汁糕下层有大量西米同粟米，上层椰汁， 甜度适中，几啱我口味。