鮨文

营业中

休息中

终于能够一尝呢间元朗出名既厨师发板，呢间餐厅响黄埔开左分店，元朗店既质素会唔会因此有影响呢？寿司店无论门面定室内坐位摆设都同日本既寿司店非常相似，吧枱位置既十个座位都可以清楚见到师傅制作寿司，所以有得拣我一定会拣吧枱。先黎前菜：《三文鱼子蒸蛋》《毛蟹肉》蟹肉上附有蟹膏配醋，蟹肉味道唔系咁突出，但加左蟹膏后，令整个菜式既味道变得鲜味香浓。《帆立贝天妇罗》炸过既帆立贝外层金黄，用紫菜包住更加添香脆口感。帆立贝肉质弹牙而鲜甜，口感不俗。《寿司》平目鲷-爽口，鱼味较淡墨鱿鱼-深海池鱼牡丹虾+新鲜虾子-蓝绿色既虾子令人大开眼界，师傅话系新鲜既虾内取出先有咁既颜色。味道方面，其实我觉得牡丹虾本身已经鲜甜美味，绿色虾子只系啅头而已。鳕鱼-加上甜面豉酱大拖罗-样貌同平时既拖罗唔系太似样，但入口即溶，无可挑剔三文鱼子-《鮨文海胆杯》一板海胆大概做到2.5杯海胆杯，见到师傅不停叠高再叠高，真系好治愈。欣赏有个肥仔师傅好坚持将虾尾放到靓一靓直一直先放到客人面前，卖相好影响对呢间餐厅既印象同感觉。海胆味道甘香，大片而呈半溶状态。