倆口小吃 (已結業)

俩口小吃系元朗出名小食店，2022仲获得米芝莲推介，吸引左好多人慕名而来，店外经常都大排长龙，晏少少嚟嘅话啲嘢食都可能会卖晒。小店主打嘅刈包选择虽然唔算多，但每款配搭嘅食材，配菜同埋酱料都好有心思，好吸引，有传统啲配台式腩肉嘅包，仲有较有创意嘅配菠萝炸鸡同埋麻辣台式肠嘅包。食物味道真系有惊喜，而且性价比高，值得一试。♥️🍖传统刈包 ($42)（五花肉，酸菜，花生碎，芫荽，柚子酱）包嘅卖相非常吸引，啲馅料多到爆晒出嚟。知道佢哋嘅包每日都系店主自己亲手做，混合左中筋面粉同埋澄面粉，所以食落软林林得嚟亦都有啲烟韧，真系几好味。连猪皮一齐上嘅控肉肥瘦啱啱好，火候控制非常好，肉嘅口感软嫩，入口即溶，但又唔会觉得好肥腻。卤肉嘅汁系比较甜嘅，同酸酸甜甜嘅柚子酱好夹。成个包再配埋爽口嘅酸菜同埋炒香咗嘅花生粒同黄糖，口感同埋味道层次都好丰富，好好食！🍗菠萝炸鸡刈包 ($46)（菠萝，羽衣甘蓝，炸鸡，秘制辣酱，酸果酱）包嘅馅料好多，炸鸡好有质素，外层炸粉唔会过厚，炸嘅时间控制得啱啱好，鸡肉仲系好嫩滑，好有肉汁。菠萝都好有心思，面层轻轻咁烧过，识落有焦糖香同果香，中和左炸鸡嘅油腻感。秘制辣酱属于小辣，食落好香