影片
更多
2023-10-24
1225 浏览
喺居酒屋, 唔单止系品味嘢食, 重要系有个舒服嘅地方畀你轻松咁同fd gathering. 其中鸟捌系其中一间我最钟意嘅居酒屋.元朗唔系我经常踏足嘅地方, 但系入到元朗, 要食嘢嘅话我一定会谂到鸟捌. 佢畀我印象好深刻系因为, 我第一次见到见到一间居酒屋系钻研鸡嘅部位钻研得好深. 鸡嘅掌心, 鸡脚筋, 鸡肠, 鸡嘅横膈膜.. 所有你谂唔到嘅地方都有得食. 而且menu仲会一直更新. 每次嚟到都会有新嘅惊喜. 除此之外, 呢度staff畀人感觉相处好轻松, 就好似多一班朋友同你一齐食饭咁.觉得生蚝系居酒屋嘅必嗌菜式, 而呢度嘅生蚝都同样出色. 今次我就拣咗釜石生蚝, 大只之余仲好creamy. 同埋佢有加埋自己嘅酱汁, 相得益彰. 仲嗌咗当季限定嘅秋刀鱼刺身, 烧秋刀鱼就食得多, 秋刀鱼刺身真系第一次食. 唔好睇平时啲秋刀鱼好似瘦长冇咩肉咁, 但系呢个刺身嘅鱼肉都颇为厚实同鲜味. 基本上都唔需要有咩酱料去调味. 最后剩低嘅鱼头同成条鱼骨仲可以请师傅去炸返嚟食, 真系一啲都唔嘥.今次好好彩可以食到当季嘅白子, 因为老细话而家已经系季尾. 同埋佢嘅酒盗青瓜好惊喜哋好食, 青瓜上边个酱汁系由吞
元朗唔系我经常踏足嘅地方, 但系入到元朗, 要食嘢嘅话我一定会谂到鸟捌. 佢畀我印象好深刻系因为, 我第一次见到见到一间居酒屋系钻研鸡嘅部位钻研得好深. 鸡嘅掌心, 鸡脚筋, 鸡肠, 鸡嘅横膈膜.. 所有你谂唔到嘅地方都有得食. 而且menu仲会一直更新. 每次嚟到都会有新嘅惊喜. 除此之外, 呢度staff畀人感觉相处好轻松, 就好似多一班朋友同你一齐食饭咁.
觉得生蚝系居酒屋嘅必嗌菜式, 而呢度嘅生蚝都同样出色. 今次我就拣咗釜石生蚝, 大只之余仲好creamy. 同埋佢有加埋自己嘅酱汁, 相得益彰
.
仲嗌咗当季限定嘅秋刀鱼刺身, 烧秋刀鱼就食得多, 秋刀鱼刺身真系第一次食. 唔好睇平时啲秋刀鱼好似瘦长冇咩肉咁, 但系呢个刺身嘅鱼肉都颇为厚实同鲜味. 基本上都唔需要有咩酱料去调味. 最后剩低嘅鱼头同成条鱼骨仲可以请师傅去炸返嚟食, 真系一啲都唔嘥.
今次好好彩可以食到当季嘅白子, 因为老细话而家已经系季尾. 同埋佢嘅酒盗青瓜好惊喜哋好食, 青瓜上边个酱汁系由吞拿鱼嘅内脏腌制完成, 送酒一流.
食完生嘅菜式, 就到咗一连串嘅串烧, 因为其他地方食唔到，所以都嗌咗唔少鸡嘅稀有部位. 好似鸡嘅横膈膜, 鸡脚筋, 鸡肠, 同埋鸡嘅掌心肉. 其实平时食鸡我都钟意咬埋鸡嘅掌心𠮶嚿肉, 觉得特别好食. 今次仲可以食一整串觉得好开心. 而且鸡肠鸡横膈膜呢啲系我上次嚟都仲未有嘅. 佢哋一直喺度钻研新菜式, 期待下一次嚟再有惊喜.
同埋想highlight佢个鸡皮饺子, 用鸡皮来做饺子皮真系好得意, 听上去好似好油腻咁, 但食落一啲都唔油. 仲反而觉得个饺子皮好烟靭好好食.
正当以为自己好饱嘅时候, 嚟个月见鸡肉饭, 都仲系食得好开胃. 佢系用熬咗超过七个钟头嘅鸡汤嚟炒嘅, 跟住用新鲜生鸡蛋嚟捞. 食落似鲜甜版嘅risotto. 每一啖都咁有咬口.
最近佢哋做紧优惠. 星期四到日夜晚10点半. 之后清酒一律半价啤酒就买二送一. 而且佢哋开到凌晨两点想几时去都得.
食饭𠮶晚, 仲好好彩咁啱系坤哥同佢太太庆祝生日. 𠮶日全场都好开心. 仲食到生日蛋糕. I feel wonderful tonite. 🤍
张贴
