旮旯 (已結業)

呢间系我其中一间「一食钟情」嘅甜品店。因为之前第一次食感到太难忘，同因为佢地d野食真系太好食，搞到而家每次去亲元朗都会乖乖走去课金。如有你系钟意抹茶嘅人，呢间真系要大大推荐俾你！因为佢地真系整得好出色！铺头环境虽然唔大，但都阻止唔到为食人士嘅心，每次去都见到好多人排队。・⊳ 卷蛋呢间店必食嘅甜品之一！卷蛋中间嘅流心抹茶酱味道相当浓郁，甜度适中。而抹茶蛋糕亦十分松软，有好香嘅蛋味，整件事就系正😋！⊳ 抹茶葛饼葛饼表面撒上了满满嘅抹茶粉，口感十分软糯烟韧，配上跟葛饼送嘅炼奶糖浆，味道上添层次，超级正😋！。⊳ 抹茶拿铁抹茶拿铁周围都有得饮，但唔系间间都冲得咁好饮。呢间嘅抹茶拿铁系我饮过当中嘅数一数二。抹茶味相当浓郁，茶味突出，表面有好多奶泡，饮落口感十分幼滑。而杯上超有心思嘅可爱图案拉花亦为呢杯抹茶增添上唔少分数😋。