肥姐蠔餅婆

营业中

休息中

有个自小喺元朗长大嘅朋友话我知，呢间嘅蚝饼好好食，好多时都大排长龙，自从佢结婚搬离元朗后，就好少机会食到，所以每次返娘家食饭，都会顺道买件食下！自从我三年前搬咗入元朗，试过呢间蚝饼后就不能自拔，虽然小店系三年间几次加价，但无损我对小店既支持！今晚另一半行经呢间小店时心痒痒，打电话通知我要食蚝饼，所以我哋就约咗喺小店门前等！另一半已经预时order定两件蚝饼，所以我去到只系等左一阵就有得食啦！蚝饼新鲜炸起热辣辣，非常香口，而且蚝肉胀卜卜好大粒，份量又多，再配埋芫荽及小店自家制酸辣汁，非常好食惹味，真系食极都唔厌小店仲有其他自家制食品，例如无骨酸辣凤爪及低糖凉茶等，试过都不错！