爽爽麵店 (已搬遷) 新店位置

讲到元朗最有特色既食肆，我认为爽爽醉鸡必定系其中之一，元朗人一定会知！虽然里面既格局有啲细，但系都算好卫生，无阻食醉鸡猪扒既心情！😋基本上黎到爽爽，大家都只会点醉鸡，或者猪扒，或者醉鸡同猪扒，甚少会点其他云吞鱼蛋等等，因为最重要既系大家都知道醉鸡同猪扒先系重点，系重中之中！🤤不过今次黎到爽爽好可惜，最好味既河粉卖哂，而河粉通常亦系最快卖哂😫虽然无河粉，但系都唔紧要！我叫左新鲜鸡胸加瘦猪扒，一碗无猪扒。记得系落单时就叫定要咩部位，猪扒要肥定瘦。建议食法：唔好一开始就倒鸡汁落去啲汤度，因为如果沟唔岩味之后就无得改，所以我会食面时，先加醉鸡汁再沟一啖汤就perfect！👍🏾由于系新鲜鸡既源故（建议食新鲜鸡，翻唔到转头食冰鲜），啲肉好新鲜，仲啲酒都好入味。通常啲鸡都会盖住一两旧鸡肾，不过未必有，鸡肾好爽口。而且猪扒亦都唔会好硬，唔会咬唔开，所以啖啖肉，好好味！🤤仲有佢自家制菊花茶，唔会太甜，夏天饮好消暑！总共食左$126，唔算贵，抵食！