影片
更多
2022-10-06
459 浏览
又系入元朗揾家姐，当然要顺便去揾食。可惜时间有啲赶，入到元朗已经7:00pm，所以最后决定外卖返家姐度一齐食。落咗车行入教育路揾下食乜好，谂谂吓家姐话都系食牛杂牛腩河粉面，快靓正稳阵。行咗个路口就见到呢间「龙朝牛杂牛腩专门店」，睇落唔错、价钱唔贵，咁就试吓佢啦。钟意食牛嘅我，成日都好恨食崩沙腩，不过可遇不可求，因为吾系度度有，有又唔一定够靓仔。而且好多铺都供应量有限，晏的去食都沽清。为食嘅我都即管多口问仲有冇崩沙腩，Yeah ~ 今日真好彩，居然仲有崩沙腩，吾使谂即叫碗《崩沙腩河》（$42），外卖一定分汤上免得河粉淋晒。返到屋企打开，真真有惊喜，目测好靓仔，食落肉质同筋位都炆得恰到好处。配上唐芹葱花、冬菜提升味道，够晒滋味。可惜太急，忘记拎辣椒油。家姐食《牛杂河》（$38），牛杂分量足，味道正常水准。家姐大赞除咗河粉够爽滑，佢最欣赏系果两旧萝卜，又甜又嫩又入味㖞。另外跟餐油菜（加$7），冻奶茶（加$7）。菜心、奶茶都ok 嘅，老老实实认真觉得真系平靓正。不过因为外卖加上分汤，所以外卖盒另加左$6，埋单合共$96 。下次有时间一定要坐低慢慢食，应该仲正。餐厅仲有提供外卖火锅配料及辣椒油等
落咗车行入教育路揾下食乜好，谂谂吓家姐话都系食牛杂牛腩河粉面，快靓正稳阵。行咗个路口就见到呢间「龙朝牛杂牛腩专门店」，睇落唔错、价钱唔贵，咁就试吓佢啦。
钟意食牛嘅我，成日都好恨食崩沙腩，不过可遇不可求，因为吾系度度有，有又唔一定够靓仔。而且好多铺都供应量有限，晏的去食都沽清。
为食嘅我都即管多口问仲有冇崩沙腩，Yeah ~ 今日真好彩，居然仲有崩沙腩，吾使谂即叫碗《崩沙腩河》（$42），外卖一定分汤上免得河粉淋晒。返到屋企打开，真真有惊喜，目测好靓仔，食落肉质同筋位都炆得恰到好处。配上唐芹葱花、冬菜提升味道，够晒滋味。可惜太急，忘记拎辣椒油。
崩沙腩河
$42
7 浏览
0 赞好
0 留言
家姐食《牛杂河》（$38），牛杂分量足，味道正常水准。家姐大赞除咗河粉够爽滑，佢最欣赏系果两旧萝卜，又甜又嫩又入味㖞。
另外跟餐油菜（加$7），冻奶茶（加$7）。菜心、奶茶都ok 嘅，老老实实认真觉得真系平靓正。不过因为外卖加上分汤，所以外卖盒另加左$6，埋单合共$96 。下次有时间一定要坐低慢慢食，应该仲正。
餐厅仲有提供外卖火锅配料及辣椒油等，价钱都系吾贵抵食。迟啲天气冻，屋企打边炉都不妨可以买啲返屋企试下。
张贴
