影片
更多
2024-09-14
423 浏览
今日就约咗朋友试吓呢一间元朗西餐餐厅。记得The Diamond前身为宝石餐厅，𠮶阵时有食过佢啲铁板餐。估唔到佢竟然全面装修改咗style，成为一间行悠闲同fusion菜嘅西餐厅。餐厅入到去好宽敞，设有长卡座，坐得好舒服。装修亦都时尚有情调。食物方便我哋今次嗌咗两个晚市套餐。套餐包括一份主菜餐包餐汤甜品同饮品。餐汤我哋都嗌咗红汤，罗宋汤绝对唔系普通出边嘅罐头汤，系真材实料食到好多杂菜同埋肉，唔系hea的。餐包除咗有普通多士，亦都有黑糖面包，两者都有烘过，外脆内软。*风干烟腩卡邦尼意粉*卡邦尼酱汁好浓郁，食到蛋黄嘅味道，但又唔会过分油腻。同时意粉质地煮得啱啱好，口感弹牙有咬口，同时亦都挂到汁。配埋风干烟腩，增加咗酱汁嘅咸香味，令到成个味道更丰富。*红酒汁炖牛面肉配薯蓉*牛面肉质地软腍腍，有牛味。加埋红酒汁嘅配搭，每丝肉入哂味，味道好好。而配搭嘅薯蓉做得好滑身，配埋红酒汁同埋牛面肉一齐食成件事就好夹。同时呢碟菜嘅份量好大，足够两个女仔一齐share食。甜品有意式奶冻，卖相精致，适合打卡用。意式奶冻质地滑身，充满着奶香味，其中一个系士多啤梨酱而另一个系落咗芒果果酱，两者都唔会有化学水果果酱嘅
餐厅入到去好宽敞，设有长卡座，坐得好舒服。装修亦都时尚有情调。
食物方便我哋今次嗌咗两个晚市套餐。套餐包括一份主菜餐包餐汤甜品同饮品。
餐汤我哋都嗌咗红汤，罗宋汤绝对唔系普通出边嘅罐头汤，系真材实料食到好多杂菜同埋肉，唔系hea的。
餐包除咗有普通多士，亦都有黑糖面包，两者都有烘过，外脆内软。
*风干烟腩卡邦尼意粉*
卡邦尼酱汁好浓郁，食到蛋黄嘅味道，但又唔会过分油腻。同时意粉质地煮得啱啱好，口感弹牙有咬口，同时亦都挂到汁。配埋风干烟腩，增加咗酱汁嘅咸香味，令到成个味道更丰富。
*红酒汁炖牛面肉配薯蓉*
牛面肉质地软腍腍，有牛味。加埋红酒汁嘅配搭，每丝肉入哂味，味道好好。而配搭嘅薯蓉做得好滑身，配埋红酒汁同埋牛面肉一齐食成件事就好夹。同时呢碟菜嘅份量好大，足够两个女仔一齐share食。
甜品有意式奶冻，卖相精致，适合打卡用。意式奶冻质地滑身，充满着奶香味，其中一个系士多啤梨酱而另一个系落咗芒果果酱，两者都唔会有化学水果果酱嘅味道。
饮品方面我们选择佛手柑铁观音柠檬茶，可以饮到铁观音嘅茶底味，同时亦都好清新，因为有佛手柑同埋柠檬嘅配搭，饮落去好舒服，同埋会有一种冇罪疚感嘅感觉。
整体嚟讲呢间西餐厅属于高水准发挥，好适合一大班人嚟呢度聚餐又或者比情侣嚟做约会。
张贴
