THE DIAMOND RESTAURANT

营业中

休息中

原來元朗有呢間餐廳 ..😳唔係老公帶我黎 平時連經過呢度都唔會 ! 🙈Boxing day 下午5:45pm左右黎到.. 餐廳6pm先開已經開始有客人黎等開門 😳等到6pm即刻衝入去，好彩有位比我地因為見其他人多數有book位，同埋超快坐滿晒有a la carte, dinner set for 1/ 2重點係d野飲好多款、好岩叫 !! 😍Set Dinner for Two $498，包括::前菜 (5揀2)、主菜 (11揀2)、甜品2款另有麵包籃、餐湯、咖啡或茶餐包有2款～不錯。而餐湯 係茶記感覺既hea西湯 🤣前菜揀左::🔸焦糖核桃沙律🔸刁草挪威三文魚兩款都幾正～～另外三款都要加錢 所以無考慮😛兩款主菜揀左::🔸炭燒美國CAB牛西冷 三色胡椒汁 配薯菜🔸紅酒汁燉牛面肉配薯蓉件西冷扒好出色😭😭 牛味好出 肉質幾軟腍，性價比極高 !薯菜竟然有紅肉蕃薯🍠 好香甜 😋牛面肉反而普通左d,, 雖然燉到好腍好入味，但配左一大pat薯蓉，有少少單調，同時又太頂肚 ..😂甜品揀左::🔸乳酪忌廉杯🔸Tiramisu (+ $48)覺得 $48加得抵 ! 勁大杯Tiramisu～又做到傳統tiram

今日去咗一間已經由2017年差唔多9年嘅日子🤔、由港式懷舊餐廳重新裝修及升級整間店舖、就係這間寶石餐廳、華麗轉身整間店面環境、都係以歐陸式風格😍大變身、食物高質素價格一般、坐著寬敞舒適感覺都唔錯、係到打吓卡傾吓計嘆吓咖啡相當之正☺️！午餐送餐包及餐湯呢兩款牛尾湯、南瓜湯餐湯賣相、色澤、味道都唔錯🤔、飲到入口南瓜香甜綿滑口感、牛尾湯濃郁美味😋！墨西哥焗豬肋骨伴薯條 $98整碟焗豬肋骨賣相睇得吓🤔、豬肋骨色香味都好有水準、整件豬肋骨表面沾滿醬汁更加潤澤好想食🤤、入口好正酸甜味道適中好醒胃、豬肋骨完全入哂味肉質腍嫩可口😋、配埋甘香脆口嘅薯條外脆內腍恰恰好！蕃茄忌廉香煎大蝦意大利麵 $108呢一碟大蝦意大利麵望見好吸引🤤、整碟意大利麵入口濃濃味道、口感軟硬適中沾滿汁液香滑好好味😋、配埋大蝦鮮味爽口啖啖肉！熱朱古力咖啡 +$20呢一杯咖啡心形賣相色澤都幾好🤔、飲到入口啖啖散發香噴噴😚、濃濃咖啡又帶點朱古味香滑可口！寶石水果茶 +$28呢一杯係店家招牌水果茶、整杯色澤鮮艷飲到入口清香果味😚、啖啖香甜帶點微酸味道濃郁😋、我覺得都唔錯又唔過甜都幾好飲！奶凍 +$28呢一個奶凍細細個好可愛😍好想食、入口奶

呢間西餐廳地點有些隱蔽，但係歷史好悠久已經開咗好耐，前身叫寶石餐廳，主要都係食西餐，但格局感覺都有D高級。餐廳環境好闊落，坐得好舒服，門口嘅佈置亦都係一個很好嘅打卡位。餐廳大約七點左右已經坐滿好多人，證明餐廳質素應該係唔差嘅，二人餐嘅價錢亦不算太貴，五百幾蚊已經可以食到前菜、湯、主菜、甜品等等所以今日叫了一個二人餐。湯品可以揀羅宋湯或者南瓜湯，兩者味道都好濃郁好夠材料。前菜亦會提供胡麻核桃沙律菜及匀草三文魚，沙律菜配上核桃，頗有口感，而三文魚亦都新鮮。主菜揀咗肉眼扒，以及紅酒燉牛面肉配薯蓉，肉眼扒都幾大件，就算叫全熟都不會韌，幾有牛肉味，薯菜都新鮮嘅，而且配料都多。紅酒燉牛面肉配薯蓉，呢個配搭都幾特別，牛肉份量都算多，而且炆得非常之腍，肉質有啲似食台灣牛肉麵上面嗰啲炆得好腍嘅牛肉，未試過試吓都無妨。套餐包有兩杯餐飲，較為特別嘅係呢度有佛手柑配製嘅檸檬茶，味道比較清淡，有佛手柑嘅味道，都幾特別。甜品非常精緻，有百香果乳酪及奶凍，百香果乳酪非常清新帶有酸味，但味道好好。奶凍表面似淋上一些士多啤梨汁較為甜，但都非常滑，兩個甜品都做得好好。圓滿的一餐每人平均消費大約$278，食到呢個質素嘅食品

今日同朋友慶祝生日，喺元朗區發掘咗間高質西餐廳，一齊食返餐好餐廳環境好舒適，裝修風格優雅復古，餐枱沙發都好闊落，感覺悠閒舒適點咗個晚市二人套餐，前菜主菜甜品都有齊，幾抵食。酸種麵包籃。南瓜忌廉湯麵包有兩款，一款係軟身，一款係脆口，仲暖暖哋，新鮮美味。南瓜湯味道就比較淡。胡麻核桃煙肉羅馬生菜沙律羅馬生菜新鮮爽嫩，配埋胡麻醬同埋核桃煙肉，整個味道口感都好豐富。自家醃製刁草挪威三文魚大片新鮮嘅三文魚生，自家製調味，味道唔會太搶，有清新嘅感覺。燒紐西蘭PS頂級牛肉眼扒 三色胡椒汁 配薯菜牛扒size都大塊，點咗五成熟，成數啱啱好，外表煎得好香，內裏保持鮮嫩juicy ，非常出色另外薯仔煎得好香，而且充滿超級重嘅牛油香紅酒汁燉牛面肉跟薯蓉牛面肉燉得好腍身同入味，甘筍同樣煮得夠腍，下面係一層厚厚嘅薯蓉。意大利奶凍奶凍好大杯，配上酸酸甜甜嘅草莓醬🍓同藍莓🫐，唔會太甜漏佛手柑鐵觀音檸檬茶清新香甜，so refreshing

🌟 香煎鵝肝芝士 配番茄莎莎咬落鵝肝 中間顏色粉紅，見到都心花怒放。鵝肝同多士 入口都係外脆內軟。鵝肝細膩滑嫩，鵝脂味濃郁。番茄莎莎調味得都好好味，CP 值高👍🏻🌟 煙肉水波蛋雞胸沙律 配乳酪杯雞胸 肉質軟熟，唔鞋口，有雞味，唔會係雪味。水波蛋 有蛋味，好享受咬落去 吃到全隻雞蛋及其營養，也可享受滑不溜口嘅口感🌟 乳酪杯配料十分多，唔係淨係面頭見到嗰啲，裏邊其實都仲有好多。有杏仁、合桃、腰果、新鮮藍莓、紅莓乾、提子乾🔹忌廉粟米湯入口有粟米味，口感 creamy 得嚟有栗米嘅纖維，真材實料🔹餐包唔係一般嘅餐包仔，係有少少焗到香脆嘅麥包🌟 自家製 Tiramisu（加配）先食一啖，Mascarpone Cheese 口感輕盈幼滑然後淋上咖啡，會變為另一口感層次，更軟滑，洒味唔濃🌟 寳石水果茶（升級）非常多水果，除了面頭見到有橙同抽子之外，裏邊仲有奇亞籽、蘋果同埋西檸，自家製，唔會好甜，飲落感覺比手搖茶店更健康。～～～～～～～～～～～～～今年全面裝修同改革 嘅港式情懷餐廳：懷舊得嚟有些 現代感，地方寬敞，卡座位 舒適，而食物賣相係 打卡able😍下次想食自家醃製刁草三文魚，同埋 牛扒或者羊架

今次嘅午餐真係唔錯！餐前有脆脆既多士，配搭羅宋湯同薯蓉湯，兩款湯都好好味，羅宋湯有酸甜嘅味道，而薯蓉湯則濃郁得來又香滑。凱撒沙律生菜脆口，配上香濃嘅凱撒醬，仲有啲烤麵包丁、芝士碎，整體唔錯牛柳伴燴薯菜，牛柳煎得啱啱好，鮮嫩多汁，搭配啲燴薯菜，味道非常好，真係好滿足！雙重芝士手搓安格斯牛肉漢堡，芝士味濃郁，安格斯牛肉多汁，好味，有青瓜、生菜，配上脆脆嘅薯條最後，Tiramisu口感滑溜，咖啡酒味香濃！仲有飲咗檸檬佛手柑鐵觀音茶同意式泡沫咖啡整體來講，呢餐午餐都抵食，食得開心！

作為元朗地膽知道The Diamond前身為寶石餐廳係2017年開業一直以懷舊鐵板餐係主2024重新裝修及轉換風格改為fusion的西餐廳有好多創作的新菜式😍忍唔住每個月都會嚟幫襯The Diamond係元朗少有大規模、座位舒適的西餐廳🥳仲設有長卡座好岩一大班人聚餐🫶🏻晚市一人套餐包括麵包籃、是日餐湯、飲品及甜品性價比高🥳推介⭐️蘋果木煙燻帶骨豬鞍配蘋果蓉一上枱真係嘩咗一聲見證佢嘅煙燻效果充滿着蘋果木嘅香味豬鞍煎得剛剛好😆口感好正配埋蘋果蓉Perfect match👍🏻⭐️墨汁帶子海鮮燴意大利飯帶子煎得甘香而且數量都幾多夠晒誠意🫶🏻意大利飯好入味墨汁好惹味😋⭐️飲品-檸檬佛手柑鐵觀音茶佛手柑好香好獨特的飲品❤️好少地方有⭐️甜品-🍮奶凍奶凍甜度適中朱古力醬令到整個味道昇華最後食埋甜品真係大滿足😊

好耐冇約人番元朗食飯今日難得返去 就發現喺水車館街附近嘅寶石餐廳（以前食懷舊鐵板餐）搖身一變，變咗白色靚靚哋裝修嘅西餐廳，初初以為易左手，睇OpenRice先知原來上年全新裝修過！見餐牌都幾吸引，啲相都好似唔錯，今晚就食佢。.我得兩個人又想試多啲嘢，決定唔叫兩個set dinner係一個餐再加一個藍青口share 藍青口比想像中大兜，每人都食到10隻以上忌廉汁唔算好杰，仲有煙肉碎，點下蒜蓉包咁樣一齊食好好味😋.個set仲加錢要多咗個吞拿魚牛油果他他因為睇相好吸引，而事實上亦都真係～ 好新鮮夠晒凍，酸酸地好開胃吞拿魚份量好多，兩個人share都好夠.嚟到個主菜蘋果木煙燻豬鞍配紅酒浸蘋果&蘋果蓉上碟嘅時候好巴閉，一打開個蓋有浸蘋果木味嘅煙飄出黎即刻食慾大增… 豬鞍大大件唔算好肥都仲保留到水份點埋個蘋果蓉 very nice 👌🏻 下面配菜有蕃茄粟米仔西蘭花番薯翠肉瓜甜品係百香果乳酪奶凍食物都算唔錯，下次如果多啲人會叫個大份嘅甜品share 🥰.主菜份量非常夠，都啱晒一大班人gathering每個人嗌一個main for share ~.*後尾先才知道原來佢係同轉角另一間多年嘅泰式餐廳芭提雅

中午同老婆去THE DIAMOND RESTAURANT，諗住食返啲好野，結果真係冇失望！點咗炭燒紐西蘭肉眼扒伴薯菜($148+10%加一)，加埋湯同黑糖餐包，好飽又好滿足。食品部分炭燒紐西蘭肉眼扒伴薯菜($148+10%)：肉眼扒炭燒得啱啱好，外面香脆有焦香，裡面仲保留咗肉汁，幾乎入口即溶。薯菜配搭得幾好，薯仔綿密，菜就清清地平衡咗扒嘅濃味。湯(白湯/紅湯)：我哋揀咗紅湯，味道濃郁，夠暖夠香，配黑糖餐包一流。黑糖餐包係意外驚喜，唔係一般茶餐廳嗰啲死乾硬嘅包，反而係鬆軟香甜，好好食！熱咖啡：咖啡味道正常，冇乜特別突出，但起碼冇失禮，配扒餐已經OK。⭐食品評分：4.5/5環境與服務THE DIAMOND RESTAURANT環境整齊，燈光柔和，有少少舊式餐廳嗰種懷舊氣氛。服務員態度親切，埋單效率快，整體體驗唔錯。價錢加埋服務費其實唔算平，但以食物質素嚟講，值得試。⭐環境與服務評分：4/5總體感受THE DIAMOND RESTAURANT嘅炭燒肉眼扒餐真係有驚喜，無論係扒嘅質素定黑糖餐包嘅加分，都令成餐食得好滿足。價錢稍高但對得住質素，想食好啲嘅話可以嚟試下，唔會失望！⭐總體評分：4.5

聖誕前一個星期行過元朗見到佢地開始擺定聖誕menu出街，望落野食唔錯，加上價錢公道，$888 for 2 (我認旺區$888 for 1 就差唔多😹)，非常可以接受👍🏻，所以就book左位。 聖誕個日5點9入座食6點個場，6點個陣都入座8成。 成間餐廳都超級有聖誕氣氛，門口有好大一棵聖誕樹，員工都戴晒頭飾，每張枱都有準備到聖誕眼鏡比客人戴下🫶🏻。 點完餐，侍應同我地講可以幫我地影張即影即有(免費既)，餐廳好暖心幫我地每一枱客人準備呢啲小小既禮物，真係難能可貴🫶🏻。 野食由前菜到甜品都好滿意，會再去😊 好開心食到一個好滿足好滿意既聖誕大餐☺️

性價比差，上餐+排隊等一個鐘😓今次嗌左一個main一個pasta，味道冇咩特別，就係普普通通嘅西餐，唔值卡邦尼意粉：d醬撈得唔好，d蛋熟左，醬變得唔creamy，變成一舊舊蛋😅上菜慢，總共得兩樣嘢，但呢兩樣都等左至少40分鐘先有。menu應該寫明要等好耐，咁我就唔會叫呢樣嘢性價比低，人均150-200，跟餐或者加甜品就200+，而且對於唔係住元朗嘅，地方比較偏，呢個價可以去商場餐廳食，而唔洗商場行過黎咁遠

幾個月前食完元朗呢間西餐之後，一直都想再嚟試其他菜式，今日終於都有機會嚟食個晚餐。本身呢度嘅環境已經好舒服好靚，加埋聖誕裝飾，更添氣氛。上次點咗二人套餐，今次就想試吓佢嘅set dinner，可以更大彈性地揀自己喜歡嘅菜式。套餐包括麵包籃、是日餐湯、茶或咖啡、甜品。麵包籃餐包有兩款，賣相看似健康麥包，味道竟然係甜甜地，仲有微暖，幾好食有驚喜。是日餐湯有羅宋湯同甘筍忌廉湯兩款選擇。羅宋湯好濃，有好多甘筍同蔬菜，甘筍忌廉湯好creamy，兩款都好飲。深海鱸魚柳煙燻馬蘇里拉芝士汁貓耳粉依家比較少西餐廳有貓耳粉，難得見到就想試吓。貓耳粉煮得剛剛好，有咬勁得來又唔會太硬。鱸魚外皮煎得好香，裏面嘅魚肉鮮嫩慢煮頂級牛肋骨配薯菜牛肋骨煮得好腍，好入味，肉質細嫩，口感帶點骨膠原嘅膠質，好正意式咖啡提拉米蘇 +$48咖啡酒味道好重，整體味道口感都非常濃郁豐富，非常出色法式多士配雲尼拿雪糕 +$68賣相好靚，打卡一流。多士充滿牛油香味，除咗雪糕仲有多款水果，好有心思，值得試試。飲品揀咗唔使補錢嘅檸檬佛手柑鐵觀音茶，建議少甜少冰，可以保持茶嘅濃度。

聖誕節當然係其中一個食西餐既好日子，但由於未到正日就打算係元朗果邊搵一間，於是最決決定去依間寶石套餐，係元朗西鐵站附近，二人套餐價錢都合宜🤑而且選擇都好多，環境舒適，更加十分有聖誕氣氛🎁裝飾、聖誕樹少不了🎄每逢12月就係要有依種感覺☺️🎊晚市二人套餐$498✨麵包籃、甘荀忌廉湯麵包配牛油，黑色果款脆脆地甜甜地幾好食；甘荀忌廉湯幾濃郁，甘荀自然甜味突出，配合忌廉口感柔和，非常暖胃😛前菜兩款✨自家醃製刁草挪威三文魚三文魚質感嫩滑，刁草有温和嘅辛香味，同三文魚味幾夾，賣相都精緻，幾有誠意😎✨焦糖核桃煙肉羅馬生菜沙律焦糖核桃好脆口，焦糖甜味同煙肉嘅鹹香都十分配合👍🏻羅馬生菜清爽口感豐富，好新鮮✨炭燒美國CAB牛西冷｜三色胡椒汁｜ 薯菜牛西冷炭叫左三成熟🥩燒得恰到好處，外層帶香脆燒痕，內裡柔嫩多汁🤤胡椒汁辛香提味。配埋多款薯菜🍠🥒係肉食控嘅必選，健康又滿足，尤其係蕃薯，超甜超高質！✨牛肝菌松露芝士意大利飯意大利飯米芯軟硬適中，牛肝菌嘅鮮味同松露嘅濃郁香氣混合，芝士令整道菜更加香滑濃厚🧀😝✨意大利朱古力奶凍奶凍好滑，朱古力醬濃而不甜，帶少許微苦提升層次感之餘唔會過膩🍫✨意式提拉米蘇 +$48提拉米蘇

今日同朋友聚餐黎到元朗呢間「寶石餐廳」，環境相當唔錯，有高級西餐廳既風格，燈光柔和唔會好吵雜，好岩同朋友過黎吹水勁舒服餐廳既裝飾都好有心機，牆上掛上瑪麗蓮夢露畫象，簡直令餐廳更上一個層次！今日叫左個晚市套餐，餐包餐湯當然唔少得，今日有洋蔥湯，濃濃既忌廉味勁香口，唔錯吞拿魚他他，擺盤好靚成個圓形咁，配上多士食又幾夾手搓安格斯牛肉漢堡配薯條，中間加入左雙重芝士勁足料。最抵讚係呢到漢堡整得好整齊，唔會一咬就散開成手都係，漢堡肉味香濃有口感，好正！珍寶海蝦嫩菠菜扁意粉，大大隻開邊虎蝦無得輸，扁意粉煮得岩岩好唔會太淋太硬食落好彈牙，而且調味好足唔會覺得食落係得澱粉味，朋友平時夜晚唔係carbs都食晒成個粉！最後仲有布丁同乳酪甜品作結，100分！

Wow. This place first captivated me with its elegant design, so I went in and sat down. The menu was full of super yummy stuff but I ended up getting the risotto and it was so creamy. I also got some lamb w/ mint sauce and a salad. The lamb was good but the salad was not my fav, cuz I never liked salad anyways, however tasty they made it. For dessert I got the panna cotta and the tiramisu, and they were both yummy but the tiramisu was absolutely mouth-watering. Its cream was perfectly whipped an