The Yell-Owl Seafood And Grill (已結業)

元朗真系好多好嘢食，所以每个人心中都有一张元朗美食地图。除咗元朗大马路一带之外，今次我哋就去远少少，嚟到朗晴邨嘅人气西餐：The Yell-Owl Seafood And Grill。白藜麦蕃茄沙律配自家制芝麻酱套餐包嘅白藜麦蕃茄沙律配自家制芝麻酱，除咗用上新鲜蕃茄，仲配上白藜麦，捞埋一齐食，口感丰富又清新。自家制嘅芝麻酱又香又滑，味道啱啱好，好有层次。至于套餐仲包埋creamy嘅南瓜汤。香蒜牛油汁钻石蚬配蓝青口小食就叫咗香蒜牛油汁钻石蚬配蓝青口，钻石蚬同青口份量都几多，加入大量嘅碎蒜烹调，又爽口又鲜甜，非常新鲜，令人食指大动！烧纽西兰西冷配干葱忌廉汁烩薯粒及扒甘笋条西冷叫咗5成熟，大厨对西冷嘅生熟度拿捏非常准绳，肉嫩又juicy。酱汁方面，餐厅提供黄芥末、黑椒汁同盐粒俾大家选择，不过只要落少少盐就已经充分带出牛扒嘅美味！从西冷嘅配菜就睇得出餐厅嘅细心，三款配菜都用上唔同煮法，有稍微烤过嘅蒜头、用忌廉汁烩过嘅薯粒以及略煎过嘅甘笋条。烤蒜头烤到软身但又唔散，蒜香浓郁，时间控制得啱啱好！黑松露野菌忌廉汁意大利饭另一个主菜就叫咗黑松露野菌忌廉汁意大利饭，餐厅嘅意大利饭煮得相对腍身，系香港人喜