吉祥冰室 (已結業)

难得入元朗，系屏山地铁站附近，揾到呢间有特色嘅冰室，就入去食咗个传统港式下午茶。 从门面，餐厅内部装修，饰品摆放，到食品嘅种类都深透出浓浓嘅怀旧风情，设计好用心，有唔少特别嘅打卡位。Order咗一样香港传统冰室美食—菠萝油，加呢间冰室招牌大热「阿华田雪山」。菠萝油牛油厚薄适中，食完唔会太厌、太有罪恶感。🤪 包嘅温度适中，入口头几啖会食到块状牛油，但食到尾牛油融咗，前后有两种不同嘅口感。「阿华田雪山」有惊喜， 华田底偏淡，加埋五谷麦芽粉，有阵阵麦甜味，味道、口感特别，比一般华田健康。华田底本身冻，五谷麦芽粉未咁快出味，加完粉搅匀等一阵再饮，麦香味会更明显。