Tommy Yummy (元點)

营业中

休息中

Tommy Yummy系元朗都开分店，之前系中环店食过，而家终于近D啦。呢到感觉系泰式Fusion菜，食物选择好多，唔想简就可以好似我地咁叫2人餐。小食 - 虾饼配泰式鱼饼虾饼好有惊喜，咬开系有原只虾肉系入面，用左虾滑包住佢再炸，好酥脆。打抛猪肉碎煎蛋饭只㶶边蛋好吸引，呢个饭都几辣下，肉碎十分惹味，捞饭一流。虾球金边粉虾球份量好多，整体味道系偏甜，配上脆口花生碎，几好食。钟意食辣既仲可以加埋旁边既辣椒粉! 泰式玫瑰红茶想饮热既，可以简茶，似平时泰奶个茶底，几特别。最后仲加左芒果糯米饭，椰汁分上，自己落。糯米饭暖暖地，几有咬口，带少少咸味。芒果就好甜，好好食。