Gathering (已結業)

有时候系繁忙既闹市中食饭，往往都系食得好急赶，完全享受唔到个种细赏食物个种感觉。所以我今次就走到元朗既Gathering，同我既女友远离繁嚣，宁静地拍下拖共进晚餐。餐厅装修简约，睇完个menu之后我地就叫左烟三文鱼藜麦沙律 (HKD 78)，巴马火腿野菌薄饼 (HKD 138，加餐汤加HKD 28)，美国安格斯肉眼扒配香草烧新薯 (HKD 228，加餐汤加HKD 28)。餐饮要左热柠茶同热柠水。在等美食黎之前，餐厅送上餐包，口感松软，味道唔错。而个餐汤系磨菇汤，上面个拉花拉得好靓，卖相唔错。先黎既系沙律，卖相好靓，颜色缤纷夺目，有唔同颜色既水果，烟三文鱼又多又大件，味道非常鲜甜。至于个薄饼，卖相唔错，非常香脆，芝士味浓，巴马火腿同野菌个味道好夹。至于个安格斯牛柳，大概5成熟，好大份，有入口即溶既感觉。正热柠茶同热柠水，味道不过不失。