影片
更多
2022-01-21
427 浏览
唔知由几时开始，去亲茶餐厅都想食碗沙爹牛肉面，去西贡玩水前要食，行山后要食，平时返工放lunch有时都食一食。朗屏站附近呢间永顺食店就系我觉得最好食嘅茶餐厅之一😌。 呢间茶餐厅系长期有人排队等位嘅，星期六上午去到都排左10几个人，不过唔驶比条人龙吓亲，因为店面比较大，所以大概10几分钟就有位了✌。 ❤ 沙爹牛肉面（$28）成碗沙爹牛肉面比浓浓嘅沙爹酱铺满，酱汁系有少少起沙嘅口感，一定要捞匀先够味架😋。牛肉系比较有嚼头嘅，食得出鲜牛肉本身嘅味道同质感，同加左好多松肉粉果种牛肉片完全唔同。面底我就拣左福面，钟意佢幼身同埋有弹性嘅波浪纹，非常挂汤，但福面容易变腍，所以一上台就要趁热食左先🤭。 ❤芝士流心蛋鲜牛治（烘底）（$32）推介🏅🏅🏅。呢个三文治好惊艳💕💕，今次第一次试，我觉得比沙爹牛肉面做得更加出色🤩。鲜牛肉大大块，而且有一定厚度。炒蛋系流心嘅，芝士都有少少融化，同牛肉混和之后有丰富嘅口感。多士烘过之后热辣辣而且好松脆，因为系新鲜出炉，唔会比入面嘅馅料浸腍，咬落沙沙声真系好正🥰。 ❤ 热奶茶（$16）有朋友话系因为呢度d奶茶而成日黎，茶味的确系比较浓，但个人认为属于正常水准啦，焦点仍然
呢间茶餐厅系长期有人排队等位嘅，星期六上午去到都排左10几个人，不过唔驶比条人龙吓亲，因为店面比较大，所以大概10几分钟就有位了✌。
❤ 沙爹牛肉面（$28）
成碗沙爹牛肉面比浓浓嘅沙爹酱铺满，酱汁系有少少起沙嘅口感，一定要捞匀先够味架😋。牛肉系比较有嚼头嘅，食得出鲜牛肉本身嘅味道同质感，同加左好多松肉粉果种牛肉片完全唔同。面底我就拣左福面，钟意佢幼身同埋有弹性嘅波浪纹，非常挂汤，但福面容易变腍，所以一上台就要趁热食左先🤭。
❤芝士流心蛋鲜牛治（烘底）（$32）
推介🏅🏅🏅。呢个三文治好惊艳💕💕，今次第一次试，我觉得比沙爹牛肉面做得更加出色🤩。鲜牛肉大大块，而且有一定厚度。炒蛋系流心嘅，芝士都有少少融化，同牛肉混和之后有丰富嘅口感。多士烘过之后热辣辣而且好松脆，因为系新鲜出炉，唔会比入面嘅馅料浸腍，咬落沙沙声真系好正🥰。
❤ 热奶茶（$16）
有朋友话系因为呢度d奶茶而成日黎，茶味的确系比较浓，但个人认为属于正常水准啦，焦点仍然系放喺d食物度🤣。
张贴
