發記腸粉粥品 (已結業)

发记肠粉粥品 Fat Kee Congee📍 元朗凤攸南3号好顺利大厦1座地下16号舖朋友知道我戴咗牙套食唔到硬嘢，于是想过嚟元朗陪我食啲淋啲嘅嘢食。放工后，我带咗佢去我由细到大都好钟意食嘅发记嘅其中一间分店食晚餐。呢间粥店最出名就系用砂锅装住啲粥，比较传统。💰$17香葱虾米肠 🦐呢款肠粉超滑同超足料，每一旧都有劲多葱花同虾米，虾米size偏细，口感较硬但好香。肠粉厚得嚟无粉嘅口感，好滑溜，唔洗点太多豉油同酱汁都好够味。💰$21靓靓萝卜糕 🥕呢款萝卜糕有好多料，有肉、冬菇，虾米等等，口感偏淋但唔会淋到烂，仲食到有一条条嘅萝卜丝，绝对唔系啲得粉嘅萝卜糕，而且咁平就可以食到饱一饱，推！💰$28新鲜鲩腩粥 🍲我叫咗呢款鲩腩粥，佢有大概6至7旧鲩鱼腩，件件都好鲜甜嫩滑，尤其系鱼皮，一啲腥味都无，辛苦哂朋友帮我拆骨拆肉，令我食到鱼肉，唔洗净食白粥。💰$47碎牛鲜鸡粥 🍲呢款粥系朋友叫嘅，见到粥底颜色比较黄，鲜鸡嘅油份令粥底唔系白雪雪，食落好香鸡油味。因为我唔食牛肉，所以无试到碎牛，但见到佢同其他粥店嘅碎牛唔同，佢无啲米粉粒粒痴住，只系好多粒细细嘅鲜牛肉碎，份量都好多，每一啖都食到好足料嘅粥。而鲜