發記腸粉粥品 (已結業)

都幾多客 叫左兩碗粥 粥底好綿好滑 唔會淨係得水咁 肉嘅份量都夠 出餐好快手 叫完好快就有得食炒麵比粥略為遜色 冇乜特別 食落偏鹹 不過配搭粥呢個最佳拍檔一齊食都唔錯幾好食 份量方面都幾大份

平時是堂食的，這天晚上不想煮便買外賣。份量會比堂食少一點，畢竟堂食用砂鍋上。自小家人習慣買住家附近另一家粥店，直到第一次吃到這家，簡直一鳴驚人！明明同樣是粥和腸粉，竟可如此不一樣！皮蛋瘦肉粥是我至愛以往吃別家的瘦肉粥，瘦肉用肉片煮至既乾且靭，有比較之下才發現差很多。瘦肉有先調味，將肉塊切成肉條。就算是換成瘦肉肉片粥也不會把肉片煮得很乾皮蛋分量很多，大概是一整隻切角放進去。豬潤粥家人至愛，豬潤沒有煮至完全粉狀感覺，仍帶點爽脆，口感很好。雙蝦腸（鮮蝦蝦米腸）皮薄餡靚猶記得第一次食這裡的腸粉，毫不誇張，腸粉皮是真的晶瑩通透，從外面可以看清楚包在裡面那鮮蝦粉嫩的透燈色。腸粉皮與鮮蝦都爽口彈牙，再加大大隻帶咸香的蝦米。非常好吃～到底為何兒時那家老舊的粥店都把腸粉皮煮得很爛，雪白外皮厚得像冬天的被鋪。蘿蔔糕倒是比較軟爛，有幾粒臘腸、蘿蔔絲但餡料不多，比較喜歡一般酒家做得較結實那種。順帶一提，雖然味美，但吃得出有味精的味道。縱使如此，仍是本人喜歡的粥品店。

食lunch想食啲平野就去咗間好耐歷史又出名同埋都幾平嘅發記食粥，對上一次食都已經好耐之前嘅事。今次叫咗個荔灣艇仔粥、皮蛋碎牛粥，同埋一份雞蛋叉燒腸。首先講下個粥，非常大碗！味道都足夠（唔肯定有冇落到味精，食完都幾口渴），而且配料都好豐富，有好多條魷魚條、豬肉碎，係一個好懷念嘅味道，碗粥大到好似食極都仲有，好滿足！之後碗碎牛粥個粥完全唔同艇仔粥味，牛肉嘅香味完全入哂個粥到，好好味！不過成餐飯，最正嘅係份雞蛋叉燒腸，一黎唔係週圍都食到，二黎都幾大份，腸粉好滑，好食！👍🏼👍🏼同埋最重要係咩？係超平！3樣野加埋都係$70，邊到搵🤣

粥多數自己煲比較少買，所以通常都係買蘿蔔糕，腸粉同油炸鬼，油炸鬼佢係可以買半條嘅，呢個非常之好，咁就可以食少少同試多啲其他嘢。食物質素，蘿蔔糕不嬲都好食，價錢平大碟又厚身，腸粉皮唔算厚幾好味，油炸鬼就未必夠熱，不過返嚟自己再焗熱都唔錯。元朗有幾間分店質素大家都差唔多，但唔知點解呢間啲服務態度好差，已經唔係一次，係多次，以前都唔係咁，近呢大半年就係咁，每次打去叫外賣，通常我都會重複一次叫嘅嘢，因為驚有錯，佢就大大聲好惡，之後唔講嘢就收你線，唔知係咪我叫啲嘢少佢唔鍾意，佢咁嘅態度真係想趕客。

發記腸粉粥品 Fat Kee Congee📍 元朗鳳攸南3號好順利大廈1座地下16號舖朋友知道我戴咗牙套食唔到硬嘢，於是想過嚟元朗陪我食啲淋啲嘅嘢食。放工後，我帶咗佢去我由細到大都好鍾意食嘅發記嘅其中一間分店食晚餐。呢間粥店最出名就係用砂鍋裝住啲粥，比較傳統。💰$17香蔥蝦米腸 🦐呢款腸粉超滑同超足料，每一舊都有勁多蔥花同蝦米，蝦米size偏細，口感較硬但好香。腸粉厚得嚟無粉嘅口感，好滑溜，唔洗點太多豉油同醬汁都好夠味。💰$21靚靚蘿蔔糕 🥕呢款蘿蔔糕有好多料，有肉、冬菇，蝦米等等，口感偏淋但唔會淋到爛，仲食到有一條條嘅蘿蔔絲，絕對唔係啲得粉嘅蘿蔔糕，而且咁平就可以食到飽一飽，推！💰$28新鮮鯇腩粥 🍲我叫咗呢款鯇腩粥，佢有大概6至7舊鯇魚腩，件件都好鮮甜嫩滑，尤其係魚皮，一啲腥味都無，辛苦哂朋友幫我拆骨拆肉，令我食到魚肉，唔洗淨食白粥。💰$47碎牛鮮雞粥 🍲呢款粥係朋友叫嘅，見到粥底顏色比較黃，鮮雞嘅油份令粥底唔係白雪雪，食落好香雞油味。因為我唔食牛肉，所以無試到碎牛，但見到佢同其他粥店嘅碎牛唔同，佢無啲米粉粒粒痴住，只係好多粒細細嘅鮮牛肉碎，份量都好多，每一啖都食到好足料嘅粥。而鮮

唔知大家會唔會有時都想食下d傳統野小編間唔中都會想食下粥同炒麵做早餐 冷係健康咁啦😙元朗呢間開左好多年的粥店佢d粥底好綿滑 用沙窩上 另有一番風味仲有大量蔥 鮮雞件勁多 我估計差唔多都有半隻鮮雞係有掩過架 咸味適中 同個粥底好夾 靚靚鮮雞粥$45平時去酒樓飲茶都會叫叉燒腸見到呢度係雞蛋叉燒腸 都幾特別睇落有d似台灣早餐個d 蛋餅咁 同d腸粉夾埋一齊蒸即叫即蒸 腸粉好滑身 有d難夾🤣雞蛋叉燒腸$22炒麵都有好多椰菜同銀芽 好足料麵都炒得好乾身 但係就略為冇咩調味椰菜銀芽炒麵 $20本身仲想食牛利酥 但太飽冇叫到 下次再食啦😛search下先留意到 原來佢衝左出元朗 開左好多分店將元朗美食發揚光大🤣🤣📍發記腸粉粥品📌元朗建業街67號📌大埔汀角路17號地下A號舖📌深水埗元州街163號地下📌元朗鳳攸南3號好順利大廈1座地下16號舖📌元朗教育路81-85C號元達樓地下2號舖📌大埔寶鄉街110號地舖

今日想清淡d,路過試下尼間粥店🐔雞+豬🐷潤粥都幾綿幾好味但雞有d老煮得🙈不過上菜速度好快我相信係3-5分鐘你會上齊曬d野食👍🏻同埋佢出面可以帶狗狗🐶一齊，係寵物友善餐廳芽菜炒麵正常發揮，早餐趕反工路過買尼食都係唔錯既選擇😏但炸兩鼓油好咸，炸兩好冧唔好食😅仲有個蘿蔔糕成碟好散好粉😰真係可以慳反5洗叫不過見好多婆婆伯伯叫外賣，可能係貼合反老人家口味，我地就覺得麻麻地真係有d小失望，填飽肚反屋企lu🥹————————————————滿分5🔆🏝環境🔆🔆 🛋服務🔆🔆 🔆💲價錢🔆🔆 🔆 😋食物質素🔆🔆💥翻兜指數🔆————————————————人均約$60-80📍元朗發記粥品#香港美食#美食#搵食團 #搵食 #搵食兵團 #foodie

叫咗白灼生菜。入面有啲白色不明物體。打電話去講。佢哋話係生菜紙。然後話退錢俾你。仆佢個街。我食左一半先同我講呢啲嘢。一d 悔意都無。仲問你想點。我真係有乜唔舒服即刻隊你出嚟。做生意做到咁樣。而家出面咁既環境。真係有乜賴嘢大家都唔好啦。你都算老字號。好心你俾下誠意做好啲嘢食。真係頂佢個肺。無下次。

依間新鋪相比舊鋪又大又乾淨坐又坐得舒適叫左外賣大約等十分鐘最喜歡是艇仔粥又多材料有魷魚, 豬皮, 瘦肉, 花生, 蔥花每食一啖都有陷腸粉完全是爆餡叫左雞絲蝦仁腸粉只需 $21一個人食得好飽肚

見食街開左新舖，就諗住買來試下艇仔粥一向係呢間艇仔粥fans，粥有舊舖質素，一樣咁綿同足料，有蔥、豬皮、魷魚、豬肉，正好食指數：😋😋😋😋炸兩一向勁鐘意食，但竟然凍冰冰，油炸鬼一啲都唔脆，勁失望！好食指數：😋蝦米腸呢樣就好食好多，起碼係熱！都好足料，好多蔥和蝦米，腸粉食入口好滑，不錯！好食指數：😋😋😋😋.整體來講還可以啦，只係炸兩有點失望，價錢一向親民，兩碗粥加炸兩同蝦米腸先$90，會再幫襯但一定唔會買炸兩，想食都係行番去舊舖

「腸粉粥品素未精彩多謝貴客幫襯常來」一看其其橙色底紙黑筆手寫字餐牌，就認出，無錯！這就是元朗著名，區內居民人所共知的傳統粥品店「發記腸粉粥品」的新分店！分店出品如舊店一樣，傳統口味，質素如初，價錢依舊經濟實惠，可格局就大大不同了！發記2.0 的環境比舊店大大提升，容量大了，不用再在舊店門外汗流浹背地久等位等外賣，舊店舖位間隔三尖八角，座位有限，加上新店衞生環境也更佳，識去，一定去新舖啦！炒米粉有鑊氣卻不太油膩，加上芝麻和甜、辣醬，更加味美。香蔥蝦米腸仍然嫩滑，用料十足，與秘製豉油成為完美配搭，是我的至愛。「傳統廣東腸粉粥品，不要看其平平淡淡、粗茶啖飯，它多年來一直為街坊帶來平淡中的滋味幸福。」