影片
更多
2022-01-24
269 浏览
📍Accro Coffee - #YFF元朗 💛-元朗国得奖精品咖啡店‼️呢间coffee shop既店主曾经得过唔同既咖啡奖项 例如世界虹吸咖啡冠军🏆店外装修颇为低调 系外面得简约既水泥墙 完全望唔到入舖面 颇有神秘感 但每次途经都见到好多人企系门口排队 先令我留意到呢间著名cafe既存在😧店内装修型格 以水泥同埋木质作为主调 座位唔算多今次平日既下昼黎到 等位方式系 客人喺门口张waiting list填上个人资料 有位既时候店员就会打电话通知 留位十分钟呢个方式系几体贴下 大家可以唔洗企定定系门口晒住排队今次系waiting list上面排第六 等咗大半个钟成功入座😬由于客人众多 入座时限为90分钟 不过都够大家慢慢chill～-🔸Plan B - 伯爵茶忌廉、枫糖浆 配 特浓朱古力雪糕窝夫 (全份$95)摆盘卖相吸引 waffle心形设计几靓 而且份量十足Earl grey cream极重茶香 食落伯爵茶味极浓 份量颇多 绝对够配晒成份窝夫食 而且质地非常轻盈 食落几清新 唔会有平时cream好腻既感觉👍🏻waffle就较为令人失望 质地较腍 冇预期中既外脆内软口感~整体黎讲 呢
-
元朗国得奖精品咖啡店‼️
呢间coffee shop既店主曾经得过唔同既咖啡奖项 例如世界虹吸咖啡冠军🏆
店外装修颇为低调 系外面得简约既水泥墙 完全望唔到入舖面 颇有神秘感 但每次途经都见到好多人企系门口排队 先令我留意到呢间著名cafe既存在😧
店内装修型格 以水泥同埋木质作为主调 座位唔算多
今次平日既下昼黎到 等位方式系 客人喺门口张waiting list填上个人资料 有位既时候店员就会打电话通知 留位十分钟
呢个方式系几体贴下 大家可以唔洗企定定系门口晒住排队
今次系waiting list上面排第六 等咗大半个钟成功入座😬
由于客人众多 入座时限为90分钟 不过都够大家慢慢chill～
-
🔸Plan B - 伯爵茶忌廉、枫糖浆 配 特浓朱古力雪糕窝夫 (全份$95)
摆盘卖相吸引 waffle心形设计几靓 而且份量十足
Earl grey cream极重茶香 食落伯爵茶味极浓 份量颇多 绝对够配晒成份窝夫食 而且质地非常轻盈 食落几清新 唔会有平时cream好腻既感觉👍🏻
waffle就较为令人失望 质地较腍 冇预期中既外脆内软口感~
整体黎讲 呢个waffle冇预期中咁惊喜 不过茶味的确较坊间既香浓好多 earl grey爱好者必点🍵
-
🔸鸡胸肉意式香草包 ($53)
呢个panini非常有惊喜😍 即叫即做 烘到热辣辣又好脆口～
包身颇有香草味 入面包住拉丝芝士 千岛酱 同埋鸡胸肉 馅料非常丰富 而且又大份抵食 我绝对会为呢个包做回头客😍
-
🔸Hazelnut Mocha ($38 // 跟餐减$5)
呢间啲咖啡拉花好得意 好多时都有出面比较少见既图案😛
今次呢杯我觉得好似系草泥马 而友人就觉得似老虎🧐
咖啡本体较酸 可可味颇出 奶泡浓密 饮落都几顺口下☕️
-
另外想点评一下餐厅服务
关于等位方式 略嫌有啲忽略咗个人私隐 人人都可以系张list上面睇到自己既个人资料😟 希望餐厅可以改善下呢个位啦
而店员服务态度其实唔错 几nice几有礼貌 但收碟速度太快 啱啱拎起最后一啖就好快收咗左只碟 同埋食咗唔够一个钟就已经开始提醒交枱时间 有少少催促客人交枱既感觉😥
仲有就系 食物出餐既次序都有改善空间 觉得甜品应安排系食完晒热食先上🙏
张贴
