影片
更多
2013-02-03
1995 浏览
行完河背水塘，返回元朗，当然要叹番一下！朋友预约左西菁街的法国餐厅－－Le Cafe Du Mont Blanc。 餐厅六点半先开门，我地早左到达，好在侍应俾我地入内坐住等。 餐厅好细间，只可以容纳三十人左右，一定要预早订位。环境好雅致，虽然座位与座位之间都几密，但可能楼底高，加上大家唔太大声倾偈，所以都唔觉无私隐。不过，好笑在每一台人都忙住影相，影环璄，影食物，同影人，无论老中青都不例外，真系潮流兴Share啦～ 食物方面，有汤、主菜、小食、甜品、饮品等，散叫又得，加78蚊可以变套餐，我同朋友都一致决定转套餐（包面包、汤、主菜、甜品同饮品）。 主菜方面，虽然有七八款选择，可惜主要系牛、羊和鸭，合我胃口的只有意式云吞同三文鱼，结果我拣左三文鱼，朋友就拣左酥皮牛柳。大家亦同时再加12蚊，转甜品做心太软。 ＊磨菇汤：我地两个都赞不绝口，汤固然够热，而且味道相当浓郁，超正！ ＊三文鱼：最初以为法国餐的主菜的的式式，但奉上来的三文鱼扒却大得很，配上柠檬汁，好开胃，不过件头实在大，所以都几漏，以致忘记伴碟的芝士薯仔。好在侍应提醒，话呢堆唔起眼的芝士薯仔，好多客人好钟意吃，叫我千祈唔好错过。饱著肚
行完河背水塘，返回元朗，当然要叹番一下！朋友预约左西菁街的法国餐厅－－Le Cafe Du Mont Blanc。餐厅六点半先开门，我地早左到达，好在侍应俾我地入内坐住等。
餐厅好细间，只可以容纳三十人左右，一定要预早订位。环境好雅致，虽然座位与座位之间都几密，但可能楼底高，加上大家唔太大声倾偈，所以都唔觉无私隐。不过，好笑在每一台人都忙住影相，影环璄，影食物，同影人，无论老中青都不例外，真系潮流兴Share啦～
食物方面，有汤、主菜、小食、甜品、饮品等，散叫又得，加78蚊可以变套餐，我同朋友都一致决定转套餐（包面包、汤、主菜、甜品同饮品）。
主菜方面，虽然有七八款选择，可惜主要系牛、羊和鸭，合我胃口的只有意式云吞同三文鱼，结果我拣左三文鱼，朋友就拣左酥皮牛柳。大家亦同时再加12蚊，转甜品做心太软。
＊磨菇汤：我地两个都赞不绝口，汤固然够热，而且味道相当浓郁，超正！
＊三文鱼：最初以为法国餐的主菜的的式式，但奉上来的三文鱼扒却大得很，配上柠檬汁，好开胃，不过件头实在大，所以都几漏，以致忘记伴碟的芝士薯仔。好在侍应提醒，话呢堆唔起眼的芝士薯仔，好多客人好钟意吃，叫我千祈唔好错过。饱著肚食埋佢，果然好好味，芝士混和忌廉洋葱的薯仔好入味，正！
＊酥皮牛柳：同样好大件，朋友觉得味道很好，而且制法独特，不过分量实在太大，最后都食剩少少。
＊心太软：新鲜热辣炮制，饱极食落肚都觉不枉此生，若朱古力流心再多些，再溶些就仲正。
餐饮方面，我饮冻柠茶无咩特别，朋友就叹咖啡，觉得几正。其他台的客人则叫苹果酒，好似几好味咁，大家不妨试试。
埋单，两人合共592元，以法国餐来讲，食物水准唔错，呢个价钱绝对唔贵！
张贴
