石崗咖喱屋

营业中

休息中

呢间系我由细细个食到大嘅印度餐厅（据我了解老板好似系巴基斯坦人），自从石岗咖喱屋由又新街搬到而家位于大马路嘅新舖，我都未去食过。因为平时去开安宁路𠮶间蓬莱咖喱屋。今次一行四人，食咗两个商务午餐、一个午餐同一个学生午餐。1️⃣鸡汤呢个汤质感少少似马蹄露，再加蛋花青豆，口味似系欧洲嘅唐餐，个人不太喜欢。2️⃣蔬菜咖喱角🥟🥠呢个几好食，咖喱够辣够晒过瘾，外皮亦都几脆口。附上嘅酱汁亦都好香浓，唯独是觉得唔够热，如果可以热啲就正。3️⃣牛、羊咖喱🥘🥘我唔系南亚人，冇办法评论正唔正宗，我只可以讲呢度嘅咖喱够味，够香。不过比起其他我食过嘅咖喱，呢度嘅咖喱偏油腻，基本上食落口成啖油，减紧肥嘅人可能唔钟意。4️⃣串烧五香鱼咖喱、铁板烤鸡🥘我最喜欢的印度菜。呢度个油份控制得好好，唔会好似其他餐厅咁，食完之后剩返成碟油喺度。5️⃣跟餐𩠌印度饭、原味及蒜香薄饼🍕呢度值得一赞，大多餐厅只可以二择其一，但呢度系饭加薄饼全奉。6️⃣饮品份量几足，茶香柠檬靓🍋服务💁🏽‍♀️💁🏾唔错。中途要求转枱都冇比面色我哋睇。用餐环境觉得旧铺会有气氛啲，新铺呢度都几阔落。可能之后解除左防疫禁令，又会加返密啲枱凳餐厅定位以午餐角度来讲，算系几抵食👍🏼商务午餐