維港灣餃子坊 (已結業)

今日一早入咗黎元朗参加朋友婚礼，婚礼完毕后，我哋就出咗去元朗市中心觅食，行嚟行去，都唔知食边间好😅😅😅因为元朗实在有好多好嘢食喇！经过一轮挣扎之后，见到呢间维港湾自家制饺子店好似唔错，于是就胆粗粗入去试吓！之前我喺长沙湾食过一间叫做「甜记饺子」，一试难忘，从此我就爱上左饺子🤣🤣🤣！讲返呢间维港湾饺子先，我叫咗两款饺子，一款系咸蛋黄芥菜鲜肉饺子，另一款系芫茜煎肉煎饺！呢度啲饺子大大只，好饱满，老板一啲都唔孤寒，仲要送碗足料老火汤，劲抵食！呢度有好多款自家制饺子俾你拣，仲有啲时令饺子添，包你每次黎都有惊喜，唔使咁闷焗！总括来讲，呢间小店好食得黎又干净企理，元朗街坊有福了，有间咁好食嘅饺子店👍🏻👍🏻👍🏻