天浮橋拉麵 (已結業)

喺西菁街𠮶边揾嘢食，见到嘅间店舖嘅门口几得意吸引。行去望吓，原来系食沾面拉面嘅食店，见啱啱有人食完唔洗等位，就拣咗佢。餐牌好简单直接，我就拣咗海老味噌沾面、饺子同埋苹果梳打。饺子 (3只)✨✨饺子热辣辣，外脆，微焦，整得几香口，入面系猪肉馅，都几juicy。海老味噌沾面✨✨沾面嘅卖相几靓，上碟嘅时候服务员都会有礼貌咁讲一讲翻上咗咩👍👍汤底好鲜，入面啲虾干同云耳增加咗唔少口感，都加咗唔少鲜味；汤入面嘅鸡肉嫩滑，唔肥，上面有简单嘅黑椒调味，都几好食。溏心蛋都几入味，不过唔会好咸，而且仲流心㗎，好味！面体弹牙有咬口，有嚼劲，唔会淋。点落啲汤度都好挂汤。而面本身都有一股麦香味，夹埋都好正吖！饮品就叫咗枝信州苹果梳打，唔算好甜，有香嘅苹果味。好饮。呢间沾面好食，价钱都唔算贵，而且都食得饱肚，正！