天浮橋拉麵 (已結業)

嚟到元朗想食拉麵見到呢間200幾個like, 呢個市道都竟然前面仲有兩個人等緊，心諗一定係好好食啦.. 點知真係中晒伏 到底啲like係咪全部買返黎舖頭細嘅，冇乜裝修，人人面壁食，唔緊要，但係點解道門好似搖搖共閂唔到嘅？三十幾度被安排坐門口嘅我哋未食已經有啲熱..諗緊食咩果時後面嘅侍應已經一直企正喺你後面俾壓力，點知想嗌翡翠湯拉麵，係冇嘅.. 唔緊要！照嗌咗兩碗拉麵～ 之後想嗌嘢飲，靜岡草莓梳打？冇.. 密瓜梳打？冇.. 青森蘋果汁？冇… 「我哋得返汽水」.. 隔離碗麵嚟到，聽到個客問唔該係咪應該有乾蔥洋蔥㗎呢碗？「我哋今日用晒」….. 啊？？？！！？食咗兩啖真係覺得好熱，店員竟然話入面都係壞冷氣….. 果下個世界已經崩潰咗.. 汽水可樂都照叫啦點知係冇雪過嘅！！！聽到隔離枱問有冇冰佢話冇，話幫你雪一陣….心諗雪… 2分鐘有用？？…. 於是成餐我地就喺30幾度冇冷氣好焗好迫嘅環境下成身濕晒咁夾硬食… 講真乜食慾都喪失.. 加上兩個店員全程冇表情、好似差咗佢錢咁嘅面口口吻.. 真係好想講今時今日.. 香港餐飲業係真係會俾你搞歪㗎….碗麵嘅味道其實正正常常嘅，但係食完返到去係好口渴嘅，餃子

白雞湯完全冇味，啲拉麵好似食緊岀前一丁即食拉麵，餃子又係冇味，全部野都係百佳買到嘅味，建議唔洗食。未試過一飲啖湯就想走人，又冇服務可言。成件事係唔值個個價錢。。。

經過元朗，朋友介紹我食呢間日式拉麵，話好好食！入到去還原日本拉麵店嘅格局，見到小店仲有為流浪貓狗出分力🫶🏻我係沾麵派，所以揀咗鹽雞白湯熱沾麵，一黎到，個沾麵多到面積大過塊面！然後麵質軟硬適中！湯底方面唔會過鹹，但冇乜驚喜，溏心蛋正常發揮，有流心效果！雞叉燒偏薄，黑椒味幾出，如果大塊啲就好了😬我朋友揀咗海老味噌湯拉麵，同樣有大塊紫菜，木耳，同雞叉燒拉麵同沾麵都係用同一面底～湯底嘅蝦味幾出，幾濃！🍜

奇怪店員 我哋入去時店內無其他客人 入到去店員完全無反應🥹落單時又係 唔出聲 一句'啊/係/好'都無 全程目口目面叫咗一個鹽雞白湯 一個翡翠濃湯 兩個都係沾麵食物味道正常 不過啲湯唔太夠熱份量感覺唔太夠🥹女仔食都唔係好夠飽 (可能我哋太肚餓🥹)

小店位置喺千色店嗰頭，話說依間係一個住元朗既朋友介紹既小店，佢個位置都幾隱蔽😂上次已經食左海老沾麵，今次試下上次見到隔籬枱食嘅綠色湯底拉麵，問咗店員原來綠色湯底係翡翠拉麵嘅菠菜湯底，由於上次食咗沾麵嘅關係，今次試吓食拉麵另外都叫咗辛味噌，叫左沾麵版食估唔到個湯底都係好清新，唔會太過油膩，菠菜加雞湯又唔會太奇怪，係個賣相有啲特別，麵係比較有咬口嘅，好食，加埋京蔥同小小湯，好味雞肉係好似人地慢煮咁，好嫩，幾好食辛沾麵，又唔會太辣，食到食道好唔舒服，佢有d似四川風味，唔錯餃子就中規中矩，總括嚟講，湯底有誠意，唔會太油膩，棉質有咬口好食，會再次光顧

山長水遠入元朗見到間小店抱住好奇嘅心態入去試吓，點知幾有驚喜👍🏻裝修風格簡約整潔高牆身黐咗一啲日本poster（幾有feel)同埋背景音樂都係播啲流行嘅日本純音樂🫣整體環境都好日系🫶🏻喺食物方面👍🏻湯底： 我叫黑松露拉麵，湯底濃郁麵條：有嚼勁👍🏻不過我個人喜好鍾意幼麵多啲😆如果有就好配料：糖心蛋一流，有紫菜同埋香濃嘅蔥絲，不過啲菇就好似有啲唔夾，另外啲雞肉非常之入味👍🏻好食👍🏻不過如果員工可以更熱情就再好啲啦🫣

呢間望落去舖頭細細，只係一張bar枱形式，坐到大約十幾人。拉麵選擇唔多，可以揀湯麵定沾麵形式咁上。今次試咗海老味㬝拉麵，湯底濃郁，好啱我呢啲中意濃味嘅人。個麵底對我黎講有啲硬，如果有得揀麵嘅軟硬度就更好。個麵入面已經有埋配料同雞肉，味道都唔錯。下次再去元朗會再幫襯😋

呢間店味道一般，可選菜色極少，最大問題係服務態度係衰到好似欠咗佢錢咁樣樣，可以用無正常禮貌黎形容。係呀，講緊你呀，你條四眼肥仔，總而言之，呢間嘢唔會再幫襯，完。

元朗呢間拉麵店深受區內人歡迎，由湯底到配菜都係以雞為主角，身為拉麵愛好者既我當然要試下用上日本愛知縣農場既錦爽雞做雞肉叉燒，湯底以本地新鮮雞殼、雞腳等等既材料熬製而成，所有湯底都係以雞白湯作底，再演變成味噌、蔬菜、黑松露唔同味道既湯底鹽雞白湯一定要試下最原味既雞白湯，先飲啖湯，白色既湯底濃郁得黎唔會話好咸，錦爽雞叉燒好嫩滑，拉麵係粗麵，口感煙韌又掛湯海老味噌呢款海老味噌湯底無平時既味噌湯底咁咸口，海老味濃郁，仲有d櫻花蝦，整碗食完都唔會覺得好膩無諗過元朗會有間咁出色既雞白湯拉麵小店，價錢合理，除左湯仲有沾麵可以選擇，值得推介

元朗拉麵小店 是主打雞肉的湯拉麵 不是一般豚肉拉麵店 喜歡💕 而且食物嘅誠意&味道確實令人有驚喜😋 濃厚不膩嘅雞湯 幾片白色嘅薄雞肉 鮮嫩可口 好少食到呢種嫩滑口感 滿足😌 最得我心係拉麵嘅麵質 非常煙韌有咬口 好鍾意個口感😍🍜鹽雞白湯 $83個湯係濃濃的雞鮮味 看似簡單嘅味道 但飲落去係feel到滿滿嘅心機&誠意👏🏻👏🏻 一定會再encore🙌🏻 只係略嫌湯內嘅雞肉胡椒味有少少重 少少蓋過雞肉嘅味道 但仍然非常喜歡😊🍜翡翠濃湯 $90名字會令人聯想起蔬菜味的湯底?🧐這個頗為有驚喜 係雞白湯+菠菜醬味道 絕對唔係草青味😂😂 味道超出想像 雞湯鮮甜 + 這個菠菜味 有少少似青醬味 純個人感覺😛 不錯不錯👍🏻🍜海老味噌 $90最愛蝦味 加入櫻花蝦 令蝦味再多一個層次🤤 最令人滿足係佢隻流心蛋 有別於平時食到嘅味道 咬咗一啖 都忍唔住講咗句 點解隻蛋個味咁好食嘅😍🤭 每一啖拉麵都伴一口湯 大大大滿足😋我已經諗定下次要試埋另外兩個口味嘅拉麵😛😛 辛之味噌 & 黑松露濃湯 Yeah 🙌🏻

之前曾幫襯此小店, 對小店的拉麵念念不忘, 所以, 今日入元朗工作, 再次惠顧.入到店內，職員好親切，好有禮貌咁安排我坐下。入去坐低之後，店員好有禮貌問我食咩，我就即刻點左小食嘅《雞肉丸子4粒》😋、《辛之味噌餐拉麵》及一罐無糖可樂😋。環境都好舒適同乾淨，等左3-4分鐘，熱騰騰的拉麵就送到。餐黎到，小食嘅《雞肉丸子》，味道方面都吾錯，咬都去都夠彈牙，吾錯👍🏿。《辛之味噌拉麵》，一份量都算可以，夠飽，拉麵麵質彈牙，有咬口，不會太淋又不會太硬。原來都有流心蛋，都好好食，味道方面覺得都濃郁，d湯都飲左幾淡，吾錯💪🏿👍🏿。小店的雞叉燒依舊美味，如果有機會下次黎食，我都會介紹人黎食😌☺️☺️☺️

近年較喜愛的拉麵店。天浮橋主打雞白湯，除了原味鹽雞白湯，還有4種口味：1. 翡翠濃湯（即是菠菜雞湯）2. 海老味噌3. 辛之味噌4. 黑松露濃湯除了有湯底選擇，還可選擇湯麵或沾麵。原味雞湯適合清淡口味嘅你，海老味噌及辛之味噌至啱濃味達人，翡翠濃湯較特別，有菠菜又有雞湯味，平衡的味道。麵質方面恰到好處，夠爽口彈牙。每碗麵跟一隻流心蛋，蛋黃流心香滑。還有雞叉燒，選用錦爽雞，嫰滑有嚼勁。小食叫了餃子，味道不俗。下次要試試黑松露濃湯拉麵。

〚日系裝修的元朗拉麵屋〛行開千色 見到門口有間燈籠裝修既拉麵屋🍜食左佢地的鹽雞白湯湯麵和海老味噌沾麵💓餐廳好貼心咁係牆上寫左食法教學，比大家輕鬆地享受拉麵🫶🏻首先，鹽雞白湯湯麵既白湯忌廉汁好濃❤️每一口湯底都有濃濃既雞肉味👍🏻鹽雞肉的入味程度岩岩好☺️咬落去都十分鮮嫩多汁之後再食海老味噌沾麵🦐呢碗麵的醬汁勁濃🫶🏻麵的份量好夠💓而麵本身既口感非常爽口🍜值得一提 餐廳裝修充滿日式風情❕好似去左日本既居酒屋

上次食過普通雞白湯覺得湯底幾濃郁，麵質又硬硬淨淨幾鍾意，今日決定再訪去試下佢其他湯底！今次叫左個翡翠濃湯，同樣都係雞白湯底，但加埋菠菜汁，食埋冇單一雞白湯咁漏，但同樣都飲到有雞湯既香味同甜味。雞肉同上次一樣有水準，唔會煮得好老，同埋唔會得一塊咁少另外想提下隻蛋好正！勁溏心同埋勁重蛋香，一路食一路勁想另叫多隻，不過已經飽XDDD野飲方面今次叫左個日本桃梳打，好refreshing同埋好夠氣～桃味都幾重，好似飲緊真既桃汁一樣！

雖然選擇唔多，但我相信做每一個湯同煮每一個麵都更加有心🥰細心到每兩人一個位都會有消毒同芝麻🥰第一啖梗係要品嘗個湯啦熱辣辣好暖胃。但可惜我唔食紫䓤所以放咗係紙巾🧻，麵質我order 時候叫麵硬所以咬係上嚟更有質感🫶🏻如果以呢碗價錢同質素係完全成正比呀大力推薦比各位另外呢碗冇咁入味，如果中意食黑松露既朋友，唔好抱最大期望食總結🍜海老味噌要大大力推薦比各位order 時你可以同waiter講你既麵軟硬度，佢哋都會滿足你哋既要求！