THE DIAMOND RESTAURANT

营业中

休息中

呢间系元朗既餐厅最近装修重开，入面好靓，座位舒适，好新式好似Café 咁靓! 食物都系主要西式为主，见到有推出2人餐，都几抵食，就直接叫呢个餐!套餐会包餐汤同包，简左罗宋汤同埋是日的南瓜汤。罗宋汤好足料，好好饮。南瓜汤好creamy，带有南瓜原有既甜味! 包有2款，仲有提供酸种面包! 前菜有2款，有胡麻核桃沙律同埋自家腌制刁草三文鱼，第一次试呢个口味，刁草闻落香气四溢，味道酸中带甜，非常开胃! 主菜 – 纽西兰牛肉眼扒配薯菜 (五成熟)牛扒熟度岩岩好，唔会好难咬，好易切，好香! 旁边既薯菜款款蔬菜食落都好新鲜，好juicy ，唔会干。红酒汁炖牛面肉配薯蓉平时少食牛既我都完全接受到呢款，牛肉炖到好软糯，好入味。薯蓉好好食，系好香牛油味，而且好creamy。甜品就简左意式奶冻，好滑既奶冻，好食!而家做紧推广，野饮转佛手柑茶系免费，好清新又唔会太甜，几好既选择。