Forever 友緣西餐 (已結業)

今日同朋友去元朗郊游，朋友想食西餐，于是上网睇下附近有咩西餐，揾到一间喺市中心既友缘西餐。入到去见到装修得几靓，仲播住柔和既音乐。我地每人都叫左一个set lunch,我拣左美国顶级安格斯肉眼扒而友人就选择法式烤羊扒。店员介绍了是日餐汤青瓜忌廉汤，但因为我个人不太喜欢青瓜所以我选择加$30转黑松露磨菇汤。先上嘅系朋友嘅青瓜忌廉汤，朋友话味道十分清新同有层次，几特别。之后就上了蒜茸包同黑松露磨菇汤，汤系用新鲜的磨菇鲜打，食到磨菇粒，另外因为加左黑松露，好香，味道仲会丰富左。饮完汤就到主菜，我点嘅美国顶级安格斯肉眼扒，5成熟，煎得刚刚好，一D都唔韧。咬落好多肉汁，牛味香浓，非常美味。友人点既法式烤羊扒，份量十足，肉质很嫩滑又唔会好膻，值得一赞。至于餐饮，我地点左Green Tea Latte 和西班牙咖啡。由细到大都好钟意西班牙咖啡，因为有雪糕系上面，但宜家冇咩地方有，但居然友缘西餐有，咖啡味道不错。我地仲点左椰子雪糕同焦糖炖蛋，椰子雪糕真系用椰壳装，好特别，椰子味非常浓郁，又唔会太甜。