多多雞大排檔

营业中

休息中

❣️夜晚做完运动系附近觅食，发现左呢间大排档。一于入去试下。室外有传统式大圆台，一大班人都唔怕冇位。亦可以选择坐室内。店员美女姐姐十分好客，介绍了几个招牌菜给我地。🌟招牌即烧鸡打卡之选！使用大瓦缸炭火慢烧而成。即叫即整，制作需时。如果想食就要一坐低就order。烧到外表金黄，鸡油一滴滴慢慢下来。入口皮脆肉嫩，爆汁Juicy。可以自行挑战刀法斩鸡，亦可以叫师傅帮手切。🌟炭烧猪颈肉 🐷泰式风味猪颈肉，外表焦香，炭香味重。不会过熟啱啱好！肉质好爽脆，配上自家制酸辣汁超级醒胃。🌟啫啫通菜虾酱煲 🥬事缘系闻到隔篱枱个通菜煲好香！即刻叫一个，果然冇令我失望！超级啫啫，劲香口。而且啲通菜又唔会啫到好老，十分清甜。🌟拔丝咕噜肉 🍍必点！采用多瘦少肥猪肉，炸粉超薄，入口啖啖肉有口感，而且炸得啱啱好，肉质鲜嫩弹牙，一点都唔会肥腻。新鲜菠萝带出菠萝咕噜肉的风味。再加上拔丝的酱汁，简直冇得输🤤❣️总括而言，小菜真系份量好多！而且价钱又亲民，大班人来呢度真系非常适合。最紧要系呢间大排档开到凌晨四点，绝对系宵夜之选👍🏼