亞萊嘜嘜 (已結業)

好耐好耐冇去家姐聚一聚喇!!大家终于有时间约到一齐去食野，去左元朗西铁站附近既泰式餐厅坐低。因为家姐突然想食泰国野，所以就去最方便既落脚～睇落去几大间，门面充满泰国风味。餐厅7点左右已经爆爆地人，入到去有啲酒楼FEEL ，我地最后上左二楼坐低。 泰式肉碎生菜包，生菜份量好多，色泽新鲜翠绿，肉碎配搭左洋葱、蕃茄同青瓜。肉碎肥瘦适中，味道偏辣，配上爽口生菜，令人食欲大增。炭烧猪颈肉 ，烧至皮肉微脆，中间部份带少少嫩，肉汁满溢，火喉岩岩好！点上酱汁令整体锦上添花，我同家姐都好中意～食咁多肉点都要炒碟菜，马拉盏炒通菜，呢道唔洗讲都会自动波出现，炒得颇入味，微微辛辣，整体上油左啲。豆腐汤，因为家姐唔好辣就拣左豆腐汤，饮落出奇地唔错～汤身清甜，而且豆腐超滑，可以话系健康之选！拍靓咖哩牛肉再配番一客特色蒜香包，蒜香包系长形方块状，食落去外脆内软，口感丰富！蒜香包配搭咖哩，味道更加香口惹味，咖哩汁再多番啲就更好！二人餐以甜品作结，分别系椰汁糕同大菜糕，味道中中挺挺。最后唔少得原只椰青俸上，口感清凉解渴，味道清新又清涩，食越泰菜必选饮品！