劉興記生煎包專門店

营业中

休息中

之前食过荃湾店觉得个担担面好食，成日想过去食，原来宜家愈开愈多分店，连元朗都有！有时夜晚想食平啲都可以去呢度！招牌生煎包 4只 $30岩岩煎起，新鲜出炉热辣辣！生煎包入面有好多汤汁，而且汤汁几有肉味，建议趁热食，因为个包比较厚身，冻左食会比较硬。蟹黄生煎包 2只 $36蟹黄满满，同样好多汤汁，汤汁仲有啲蟹既味，不过呢个可能放冻左，个包比较硬。小笼包 4只 $40小笼包原来系早几日先新出，可以话系生煎包蒸既版本，想无咁热气，可以拣小笼包，小笼包入面同样都有汤汁，但因为size细啲，无生煎包咁多汤。担担面 $42上次食完好味道，今次再encore！汤底同样好浓，仲几香虾味，元朗店既味道都无变！上海排骨葱油拌面 $42葱油拌面够干身，吾会油淋淋，微微酱油同麻油香，不过有葱加上去就更好。