天澗居酒屋

营业中

休息中

买咗12月机票去日本，但系都好想食日本嘢食特别系刺身寿司 ，一于今日食日本菜止下渴先。朋友特登揸车一齐入元朗食嘢，泊咗喺附近咪表位，12点都好容易揾位。餐厅门口装修好有日本风，午市选择有14 款。总有一款啱食 。朋友食天潜涧特上刺身丼$288值得一赞 ，年轻嘅女员工仔细解释每款刺身嘅名称同埋特色，刺身丼最特别嘅地方除咗系好新鲜之外仲有个饭用醋同埋切粒冬菇取代白饭，好有心思 。汁煮鲍鱼，赤贝，海胆都非常出色鲜甜。寿司12贯御膳 $228好老实讲呢个价钱可以食到呢个质素，真系可以每个月都嚟食。深海池配辣萝卜蓉好弹口，带子肥美，金目鲷鱼，鳗鱼，三文鱼子 ，最出色系蟹子蟹肉好大啖蟹肉，玉子烧口感好似蛋糕系佢哋自家制嘅。我哋仲追加咗两款小食忌廉薯饼味噌豆腐。整体都好满意成餐饭，对于新界朋友嚟讲系绝对需要收藏嘅 。4月内 仲做紧九折优惠 。