凱悅海南雞專門店 (已改名) 查看

平时去元朗食嘢，多数都系Yoho mall或者又新街附近😆好少去教育路头𠮶边揾食，见到呢间以海南鸡做招牌菜嘅小店，价钱都系街坊价，一于放工去试吓👍🏻🐣无骨海南鸡配黄姜饭海南鸡肉质同皮好嫩滑🤩小店有提供葱油或秘制酸汁，个人觉得酸汁比较开胃😋黄姜饭加上少少鸡油，净系食啖饭都好够味🐣无骨盐水加积鸭配黄姜饭 鸭肉嘅肉质都系好滑，调味适中唔会太咸😇同样加上酸汁都好夹😚🐣香茅猪扒入口几重香茅味，猪扒肉质唔会太柴，近骨位置比较肥美，味道中规中矩🐣紫菜汤 附送老板话用鸡壳熬制而成，加上鸡肉碎同紫菜，绝无味精，真材实料😃感觉有住家汤嘅味道