Forever 友緣西餐 (已結業)

通常同爸妈去饮茶， 今日想转下口味， 谂起暑假同阿女去过西菁街食嘢， 对呢间餐厅印象几深刻， 望入去装修几靓， 爸妈唔介意入元朗 ，就咁决定啦!好钟意招牌嘅蓝色， 入到去餐厅装修好典雅， 大水晶吊灯配上七彩小吊饰， 浅灰色丝绒椅，深灰色枱布， 大吊钟。我哋坐喺大玻璃窗嘅卡位，好舒服!先一人一杯welcome drinks， 我哋喺又新街落车行到入嚟 ，先饮杯苹果汁叫咗两个set lunch 加一个小食。 先嚟𠮶南瓜忌廉汤 ，南瓜打成蓉 ，加咗适量嘅忌廉， 浓度啱啱好又滑， 仲有一人一个牛角包， 松软可口跟住上香蒜包糠焗扇贝， 面头铺满蒜蓉同面包糠， 扇贝面焗得金香， 但系里面仲好嫩焗加拿大黑毛猪鞍扒， 黑毛猪鞍扒肉质够滑又够爽，加上苹果蓉，芥末，好夹香煎海鲈鱼配香草茄蓉汁 ，鲈鱼味道清清地但系加埋啲香草茄蓉汁， 就啱啱好原来每份餐都有一大球薯蓉波波， 我哋唔知道，所以加咗一个饭同一个意粉， 如果食量唔大就可以唔使㗎喇， 不过个意粉真系做得几爽身。爸爸叫咗杯热咖啡， 奶分开上， 倒奶时，侍应哥哥好细心叫爸爸小心烫手， 因为𠮶啲奶仲好热。 咖啡非常香浓， 爸爸大赞，我同妈妈都忍不住饮左一口