百姓人家

营业中

休息中

收工唔知食乜好，周围行下突然见到呢间新开张既百姓人家，望一望餐牌系食辣为主，即刻请示老婆，然后买外卖返屋企慢慢食。入去落单，见餐厅都几阔落光猛，堂食应该都坐得几舒服，就算有几枱食烤鱼都唔会好大阵味。落完单就系铺头外面坐低等扲餐，估唔到佢出餐几快，几个字就扲得，之后就所返屋企开餐。今次点左两味小食，分别系泡椒鱼皮丝同干拌口水鸡。平时鱼皮都系一大块，呢间切到一条条，相当费功夫，口感Q弹，泡椒味又麻又香。口水鸡又系切到细细粒，沾上红油食，一口一旧啱啱好。小菜就叫左干锅肥肠，肥肠相当肥美，系辣椒既加持唔会有腥味，又辣又香。我哋仲叫左个细既酸菜鱼，估唔到细份都几大份，鱼肉无骨滑嫩，配上酸菜食，相当惹味。百姓人家既价钱同份量都相当宜人，相信我哋会好快再来食过。