天龍咖喱

营业中

休息中

元朗出名多好野食，所以趁今日放假就同朋友入元朗试下呢间好多人推介嘅餐厅。睇完个餐牌劲多野都想食，最后我地简左两个饭同两个小食share。金牌牛魔王咖喱牛大四囍饭呢个饭系餐厅最Signature嘅咖喱饭，个咖喱汁入面有浓浓嘅洋葱碎，所以食落口感劲丰富。入面嘅牛腩，牛筋，牛舌 同牛肉片都炆得好入味，最惊喜系块牛舌有我半个手板咁大，咬落去好淋，一d都唔韧，个饭仲配埋两块油酥饼，油酥饼点咖哩汁都系劲夹😋咖喱猪扒饭猪扒煎得刚刚好，唔会鞋口，同埋佢个咖喱汁系另上， 可以自己控制返每啖饭同咖喱汁嘅比例😚鸡皮饺子香脆嘅鸡皮包住肉馅真系好正，外脆内软，一咬落去d鸡油香就出哂黎，但食完又唔会好漏香酥鸡类似台湾嘅盐酥鸡，但大旧好多，啖啖都系肉，炸粉唔会太厚，可以配埋酸甜酱一齐食都非常可口我地仲叫左两杯特饮，椰子冰同柚子梳打，为呢餐锦上添花。好亲民嘅价钱就食到咁高质嘅咖喱饭，性价比极高，真系唔可以错过呀！