Savour Cafe

营业中

休息中

今晚路过门口，以为只系另一间港式西餐，试下先，点知侍应话Full book，我打个凸，搞左震最后都有位。打开menu，个价钱同雪山有得fight，跟住经理有礼貌地问，使唔使介绍？好呀，选择太多，最后点了鹅肝意大利饭，焗虎虾二只，加$58跟餐，多头盘,肉肠碎野菌伴薯蓉及凯撒沙律，罗宋汤及磨菇汤，两个餐饮，另加半打蚝同焦糖炖蛋。先来生蚝两款，法国货，唔记得名，真系新鲜，唔会输比Ambrosia。餐前面饱三款，面饱热辣辣、正，磨菇汤味浓，磨菇香，只嫌太滑无咬口，罗宋汤也浓，材料切得幼细，店。头盘虽跟餐，但肉肠碎野菌香浓野味 ，沙律也ok。到主菜，半吋厚鹅肝外脆内软，size 唔细，共两块，比 The Mira Yamm 做得更好，跟意大利饭好夹。二只大虎虾有八、九吋，焗得刚好，唔会太干。两人share，厨房已分好，够细心！Cream Burlee 及茶啡中规中矩 ，埋单八佰水，有生蚝正常啦 ，可能无期望，所以好惊喜，一定再帮衬。