影片
更多
2022-10-20
151 浏览
天浮桥拉面📍 元朗西菁街20号益辉大厦地下12号舖呢日朋友约咗我放工同佢一齐去元朗食晚饭，我哋喺千色后面见到呢间有富有日本特色装修嘅店舖，于是被佢吸引咗过去睇吓。原来佢系一间拉面店，仲有沾面食添，因为我哋都好钟意食拉面，所以就决定喺呢度食晚餐啦。 💰$88翡翠浓汤拉面 🥬🍜睇个名可能唔知呢款系咩拉面，只系靠睇图知道系绿色嘅汤底，为咗更清楚佢系乜嘢汤底，我哋同店员查询咗。店员好细心咁解释呢款汤底其实系用自家浓汤，再加上菠菜打成嘅蓉整成嘅。拉面嘅面条好粗，佢似一般沾面嘅粗幼度，面质食落烟烟韧韧，非常挂汤。汤底嘅味道有少少似淡味版嘅青酱，但佢无青酱咁咸，而且因为加咗自家制鸡白汤，令到汤底好幼滑，食落好清新，感觉上比较健康。配菜嘅溏心蛋同锦爽鸡腿肉做得好出色，溏心蛋足足有成只匙羹咁大，一咬开啲蛋浆就流晒出嚟，半生熟嘅口感真系一流！而鸡腿肉就有好香嘅香料味，最神奇嘅地方系一般食拉面嘅叉烧都比较咸同鞋身，但佢哋用嘅鸡腿肉就非常之嫩滑，鸡肉同清新嘅汤底好夹，系我哋食过数一数二嘅拉面之一！ 💰$90海老味噌拉面 🦐🍜如果你同我一样钟意浓味啲嘅，可以试吓呢款海老味噌拉面。佢嘅汤底比起翡翠浓汤多咗樱花虾同
📍 元朗西菁街20号益辉大厦地下12号舖
呢日朋友约咗我放工同佢一齐去元朗食晚饭，我哋喺千色后面见到呢间有富有日本特色装修嘅店舖，于是被佢吸引咗过去睇吓。原来佢系一间拉面店，仲有沾面食添，因为我哋都好钟意食拉面，所以就决定喺呢度食晚餐啦。
[价钱 Price]
💰$88
翡翠浓汤拉面 🥬🍜
睇个名可能唔知呢款系咩拉面，只系靠睇图知道系绿色嘅汤底，为咗更清楚佢系乜嘢汤底，我哋同店员查询咗。店员好细心咁解释呢款汤底其实系用自家浓汤，再加上菠菜打成嘅蓉整成嘅。拉面嘅面条好粗，佢似一般沾面嘅粗幼度，面质食落烟烟韧韧，非常挂汤。汤底嘅味道有少少似淡味版嘅青酱，但佢无青酱咁咸，而且因为加咗自家制鸡白汤，令到汤底好幼滑，食落好清新，感觉上比较健康。配菜嘅溏心蛋同锦爽鸡腿肉做得好出色，溏心蛋足足有成只匙羹咁大，一咬开啲蛋浆就流晒出嚟，半生熟嘅口感真系一流！而鸡腿肉就有好香嘅香料味，最神奇嘅地方系一般食拉面嘅叉烧都比较咸同鞋身，但佢哋用嘅鸡腿肉就非常之嫩滑，鸡肉同清新嘅汤底好夹，系我哋食过数一数二嘅拉面之一！
[价钱 Price]
💰$90
海老味噌拉面 🦐🍜
如果你同我一样钟意浓味啲嘅，可以试吓呢款海老味噌拉面。佢嘅汤底比起翡翠浓汤多咗樱花虾同一啲香油，整个汤底味道更浓，啱晒重口味人士之余，又唔会死咸，饮得出佢嘅汤底系用心同用真材实料去烹煮嘅。至于其他嘅配菜，包括鸡肉同溏心蛋就同翡翠浓汤拉面无咩分别，一样咁好味！
[价钱 Price]
💰$22 (5只)
我哋仲追加咗一份饺子，饺子嘅皮煎得香脆，但里面嘅肉汁依然锁住晒，一啲都唔干，而且味道适中，唔会过咸，点埋饺子醋食，真系好正！
[价钱 Price]
💰$200
两人晚餐食咗啱啱好$200 ，喺元朗嚟讲都算系正常价位，但依个价钱食到两碗咁高质素嘅拉面，仲加埋一份小食，食到两个人都揽住个肚走，真系良心价好值得支持，下次嚟会再想试吓佢招牌嘅鸡白汤、好特别嘅黑松露浓汤同冷热沾面！
张贴
