叁淥火鍋 (已結業)

本身住系元朗，识得揾隐世美食！呢间店既位置较隐蔽但其实都好近西铁站，之前食过一次回味无穷，新鲜精选食材，食到食物既鲜甜味，用心经营!汤底：芫茜皮蛋汤今次清清地想食到食材鲜味，就叫左芫茜皮蛋汤！芫茜同皮蛋都好足料，打边炉前忍唔住饮左两碗汤，正！配料首推手打蟹籽墨鱼丸，因为佢唔系急冻店果款墨鱼丸，佢系真手打！食到墨鱼既鲜味同口感，加埋蟹籽口感更加丰富！鬼马双星够特别，系油炸鬼酿虾肉，可以当小食就够食亦可以点汤食！西班牙无激素豚肉片，虽然系豚片，但因为够薄所以好快熟，味道浓而不腥。特别推介新鲜鹅肠！自从学识左打边炉食鹅肠，鹅肠就成为打边炉必点！新鲜鹅肠劲爽劲香！唔驶担心会肥，因为渌完d脂肪会溶左一大半，净番少少脂肪同油香，劲正！店员见你渌完鹅肠会好体贴咁帮你撇走晒啲肥油，贴心服务田园菇菜拼盘打边炉食埋菜健康d， d菜索哂d汤汁，好正，而且d菜劲新鲜幼嫩，唔会黄叶。黄金炸鱼皮极多咸蛋，超邪恶可以点汤食又得就咁食都好好味！哈密瓜沙冰＆西瓜沙冰必点推介！ 系用新鲜水果打成沙冰，唔系就咁加糖水，所以唔会死甜，超级好味！ 饮落去透心凉，配打边炉一流！整体而言，出色既火锅店，新鲜精选食材，值得专程去食