鹵家

营业中

休息中

今日黎到元朗，经朋友介绍黎到一间几出名既中式烧味店食饭呢间店舖虽然座位唔多但人流不绝，坐落都好舒服，铺面干净企理🌸🌸🌸🌸叫左以下𩠌菜：老黄瓜赤小豆扁豆猪骨汤梅子脆烧鸭头抽豉油鸡醉鸡件话梅凉瓜片米粉🌸🌸🌸🌸老黄瓜赤小豆扁豆猪骨汤老火汤好足料，赤小豆同扁豆味道好浓好出味，系好足时间既老火汤，绝对唔系味精汤黎，亦都食到老黄瓜蓉溶系汤底到，非常适合夏天饮用，可以消暑解渴话梅凉瓜片本身都麻麻地凉瓜，因为唔钟意佢有苦涩味，但朋友话想试，就叫左一份，点知最有惊喜系呢样菜。一开始以为系中式个款炒凉瓜片，但原来系凉菜，食落第一口无苦涩味，反而好重话梅既酸味，凉瓜口感系爽脆，唔系淋身，食落酸酸甜甜，最后回甘，好适合做餐前开胃菜梅子脆烧鸭店员话呢个系招牌菜，见到好多枱客人都叫左，所以我都决定试一试，咬落有淡香既梅子味，外皮脆脆地，鸭髀咬落啖啖肉，份量好足，垫底既芽菜吸洒烧鸭汁，送饭一流头抽豉油鸡鸡皮好薄，鸡肉好嫩滑，而且都好大碟，豉油味道比较重，一开始食落唔觉咸，但食到最后鸡肉吸洒头抽汁，愈食愈重味，适合配饭食醉鸡件无骨醉鸡件食落好方便，唔使𠼱骨，食落有阵清幽既花雕酒香，鸡件亦好滑，每件鸡件上亦配上一颗杞子