元朗泗記

营业中

休息中

是咁的，由于有好多朋友住系元朗，所以间唔中会去元朗食野，所以都知道果边有唔少好野食。有时见客去到元朗，无理由食高档好西，所以都要揾啲高质饱肚野食。一般食蒸饭都会食凤爪排骨饭，呢间啲排骨腌得够晒入味，肉质都滑，又有排骨位啲咬口，好好食。凤爪就普通酒楼级数。至紧要啲饭入面有好香嘅排骨油香，好好食。土鱿肉饼饭，土鱿都够香。小食方面呢，就有呢个牛肉球，好鬼大粒。肉质方面就比较爽口，同出面蒸牛肉球唔同。呢个皮蛋酸姜好好食，我次次食都会叫一碟。皮蛋入货好靓，次次食都系流心皮蛋，阵皮蛋味仲好浓。佢有个食法推介，就系落沙糖同喼汁，酸酸甜甜同皮蛋阵味好夹。酸姜就普通野。次次都唔同，今次粉葛赤小豆煲鲮鱼，好浓味。我见附近街坊会攞个热水壶买汤，似乎真系有班fans。写左咁多，其实系推介佢个饭。啲饭粒粒分明，好弹口，好有米香，唔系好多地方有佢地水准。而最惊喜系佢地个豉油，佢地自已沟出黎，食落甜甜地，果质地好似枇杷膏咁。就咁豉油捞饭都好好食。有样野要提一提，就系间铺好干净，估佢唔到。