升哥點心 (已結業)

元朗站📍升哥点心（元朗）-第一篇食评由最近食嘅点心讲起。天气冻有时都想夜晚饮啖茶食个包，今次去左升哥点心。金玉满堂萝卜糕（$29）呢碟萝卜糕真系好邪恶，外层脆卜卜，入面热到爆，上面再再千岛酱同木鱼😋成个感觉好juicy又heavy，不过我中意！萝卜糕入面如果有粒粒萝卜感觉更正。奇趣虾多士（$38）虾多士外面脆卜卜，入面就普普通通，唔算多粒粒虾，以$38黎讲得4嚿都唔算太抵🤪招牌流心包（$24）流心包最令我失望！虽然外表好cute但流心情况完全不似预期！入面嘅奶黄酱亦唔算好浓郁😞斑兰马拉糕（$28）呢个马拉糕斑兰味唔算好出，重点系个底好湿，个种口感好一般😟不会再叫了。铁板生煎包（$27）呢个生煎包入面完全唔juicy，似系菜包肉馅但生煎左。除左铁板上有d gimmick之外，野食质素not ok😞笼仔凤瓜排骨饭（$42）呢个饭原本期待有淡淡荷叶味但略为失望，个饭同普通茶楼嘅凤爪排骨饭冇乜分别，虽然大笼左，但系都算贵🥸三条友黎食，茶钱$5一位。地方唔算大，坐得迫少少。除左萝卜糕系推荐之外，其他食物都一般般。