古味坊 (已結業)

市面上古早蛋糕店越开越多，行行下街总有一间喺左近。今次就试下呢间店新出嘅口味--咸蛋芝士天使蛋糕。打开盒就闻到好香，蛋糕面铺满晒肉松同紫菜，雪白嘅蛋糕中间系一层浓厚嘅咸蛋芝士沙律酱，从四边渗晒出嚟。蛋糕食落松软，因为只系用蛋白，所以唔止颜色更白，口感都更滑，甜度适中，中间嘅酱咸咸甜甜咁，丰富咗口感同味道，仲食到一片片嘅冇溶到嘅芝士，几特别。除咗古早蛋糕，仲有糖水同其他甜品，好似双皮奶、布甸咁，买二送一。买古早蛋糕加$10都有一个。我拣咗芒果布甸，好滑，唔会太甜，好好食。